Tuni Bidi Dabego Po Elalubo Buku Deli 17:8 - Godigo dwagi yai po buku

⁸ Ena te nage mena badu pabo tigidali usu nama bidai. Tama nago boi bidi dabe eno aiyaba bomo kidilai madi te nosali nago augwali aiyaba elaluali. Te eno nageba genuai nogi mawaibao, te gasa tǫ kantri dabego polalubo bomai bidi dabego genuai nogi tiwai elalueibao.

Tuni Bidi Dabego Po Elalubo Buku Deli 17:8 Referans Kwoze

Tuni Bidi Dabego Po Elalubo Buku Deli 17:2

Tialima te profet Natango Devitba te tiwai po walio, “God nage dali bidibao, tibaso nago mena sę me deli yabo homu ebaso, te sę yao,” wali.

1 Samuel 18:14

Tiali goli, Genuai Bidi aga dali bidiyu, tama aga tau siyu, tama tigidali sę agai ebo te wiegi yai naga pedelali.

Godigo Nogi Ugwaba Sabo Tęąbi Po Wabo Buku Dabe 75:7

God agaduba deligo naga dago kolesaga dagalaibao. Agai te bidi me deli aiyaba elalu, tama te gasa bidi ugwaba sagoa sabo dao.

Godigo Nogi Ugwaba Sabo Tęąbi Po Wabo Buku Dabe 71:21

Te nago eno nogi te genuai mu igi pomainu yali, tama nago eno haliga te dua nagame ma emainu yai dao.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

1 Samuel 18:28

Megi da, Solgo te tiwai bugagia koneani, Genuai Bidi te Devit dali bidibaso, tama te Mikalgo me Devit godolo homu mu yai dao.

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Dwagi Yai Gesi Po Lukgo Asęani 1:52

Agai gavman tobolu bidi dabe aiyaba elaluama, te nogi meni yai bidi nogi ugwaba sabo dao.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

Esra 4:20

Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.

Tuni Bidi Dabego Po Elalubo Buku Deli 17:17

God, nago te wiegi yai kolesaga dabe enabolo yali te usu isąbo homu ebaso, te nago gasa wiegi yai sę megi enabolo ma ebao. Te nago eno wąį nǫų dabe dali yabo sę po pusalio. God, Genuai Bidi, megi digi nago ena te genuai nogi elalubo bidi tonobo tiwai elama,

2 Samuel 22:1

Te Genuai Bidigo Devit te Solgo nogode, me te tigidali gasa boi bidi dabego nogode, te ma dobola sobaso, tialima Devitgo te balia gagalama weyu, te Genuai Bidiba balia wali.

2 Samuel 8:8

Tama me, agai te Beta taunde, me Berotai taun side te bras umabo hauwa sali, te Hadatesergo taun si dao.

2 Samuel 8:6

Tama Devit aga ami bidi meba te Siria dabego bulu tǫ pedaide muna muna pelama, te augwaligo wąbi ma hwįdali weyu, te tonalumainu muani. Tama te Siria dabe te Devitgo dologode bidiyu, tama augwaligo agaba takis mone mani. Te tigidali bulu tǫ pedaiba Devitgo boi hwįgi pabo side, te Genuai Bidigo aga tau siyu, tama aga ugwaba dįą holali.

2 Samuel 7:9

Ena te nage dali bidiyu, te nage pabo tigidali tǫ pedaide te ena bilai dao. Tama eno te nago boi bidi dabe aiyaba elalu yai dao. Tama eno nageba te genuai nogi mawainu yali, te gasa bulu tǫ pedai te bulu tonalubo bomai bidi tiwai pedalumainu yai.

1 Samuel 26:10

Tama Devitgo po ma mu weyu, te po wai, “Te Sesemane Sogo Bidibo Genuai Bidigo nogide eno nagebolo obao, te Genuai Bidigo digi Sol elabo, me ma Sol aga digi isabo sogo bodolu elalu, ma te boi bidi dabego aga te hwįbode elabo te elalubao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Tuni Bidi Dabego Po Elalubo Buku Deli 17:7

Tama Genuai Bidigo po ma daganu Natanbolo tama po wali, “Nago te Devitbolo e po pusao, ‘Ena Tigidali Bomo Elalubo Genuai Bidigo, eno nage te kibu sipsip tonalubo bidi bidali sogo selama, tama eno nage te ena we bidi Israel dabego tobolu bidi pedalumainu sa muyu dąį ilai dao.

Tuni Bidi Dabego Po Elalubo Buku Deli 17:9

Eno te dage Israel dabego tǫ me deli dąį ilali elalubao, te ena we bidi dabe, tama eno dage duga te tǫde bugagia bidimainu yalio. Tama te dwai sę ebo bidi dabego dageba dwai sę munu ma me egobeo. Te wąį nǫų dabego te tǫ sabode gagalama, te eno dagego tobolu bidi dąį ilibo sogoba usu nama te boi bidi dabego dage dolali sę teba dąį yagasaibao. Tialima megi da, eno augwali palibaso da, te augwaligo dage munu ma dolisąyu, te dagego tǫ kantri me dologobeo. Te eno nago hani dabe bidalumainu sula tagalama, te augwaligo nago wąį nǫų dabe dalomainu yaibao,’ te po Devitbolo wao,” wali.

Tuni Bidi Dabego Po Elalubo Buku Deli 14:17

Te tigidali bulu tǫ kantri we bidigo Devitgo te tama sę yali po odama, te augwaligo Devitba genuai nogi manio, tama Genuai Bidigo digi te augwali Devitde wi emainu ilai dao.