Tuni Bidi Dabego Po Elalubo Buku Deli 17:23 - Godigo dwagi yai po buku

²³ “Genuai Bidio, eno homugo nago te enabolo me eno haniba te bomai po dąų walu te yaibao wali tiwai sę te tiwai sę nago sesemane sogo yao.

Tuni Bidi Dabego Po Elalubo Buku Deli 17:23 Referans Kwoze

Dwagi Yai Gesi Po Lukgo Asęani 1:38

Tama Mariago te po wali, enselbolo, “E. Ena Genuai Bidi agai sę ebo we dao. Eno homugo nago enabolo wali po tų sisu pomai yaiba,” te po wali. Tama te enselgo Maria taga palio.

Jeremaia 11:5

Tama eno te duga wąį nǫų dabe dali dąų wali po wali peyu, usu naibao. Eno te dagego wąį nǫų augwaliba te wiegi yai tǫ me deli mawaibao po wali, te ili hauwa elalubo tǫ da,” wali. Tama megi dage te tǫde bidibao.’” Genuai Bidigo po walio, tialima, eno te tiwai po wei ponai, “Mu tamao, Genuai Bidi, nago wabo po gilama tama tiagameo.”

Godigo Nogi Ugwaba Sabo Tęąbi Po Wabo Buku Dabe 119:49

Nago te naga sę bidi enabolo hasia mani, te dąų walali po nago ma koneao. Te tiali eno te pode konealubo po dąų wai dao.

Tigidali Nai Gagalama Nigali Side 32:12

Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.

Tuni Bidi Dabego Po Elalubo Buku Deli 17:22

Genuai Bidio, nago da Israel dabe te naga we bidi hani mu pedalumainu elama, tama da te tiwai sesemane sogo bidaibao. Te naga digi nage dago God pedelama bidibao,” wali.

Tuni Bidi Dabego Po Elalubo Buku Deli 17:24

Te we bidi dabe augwaligo nago te sę ebo sulama, te sesemane augwaligo nageba homu kone palu, te nageba genuai nogi mawaibao. Augwa te tama po waibao, ‘Tigidali Bomo Elalubo Genuai Bidi, te Israelgo God, aga duba deli mu te Israel augwaligo God da.’ Tama nago eno hani bidi dabe delide naga te king sesemane sogo pedaludumainu yaibao te po wai dao.

Tuni Bidi Dabego Po Elalubo Buku Deli 28:4

“Tialima God, da Israelgo Genuai Bidigo, ena dąį te eno ogwa dabe dali dąį ilama, te Israel sesemane bidabo sogo te Israel tonalumainu yalio. Hasia bolo agai te Judago hani dąį ilama, te Israel hanigo polalubo bidi hani bidimainu nigilali. Tama te Juda hanide agai eno ayago hani sibide dąį ilali. Tama nosali, Genuai Bidigo aga homu wali digi pelama, tama eno ama dede dabe tomode ena dąį ilali, tama agai ena te tigidali Israel hanigo king bidimainogo ilai dao.

Te Israel me Juda Hani Sigo Tuni Bidigo Po Elalubo Buku Deli 8:26

Awe, te Israelgo God, eno homugo nago te eno aya Devit dali te dąų wali bomai po usu numainu homu ebao,” wali.

Tuni Bidi Dabego Po Elalubo Buku Si 1:9

O God, Genuai Bidi, nago enabolo tonalumainu mani te we bidi augwali hauwa mu dao, tama te bidi dabego augwali nedebo usu me egobeo. Tama tialima megi da, eno aya Devit dali nago dąų wali po usu nagasa homu ebao.