Tuni Bidi Dabego Po Elalubo Buku Deli 17:19 - Godigo dwagi yai po buku

¹⁹ Nago ena wiegi yai bugagia ilabo homu ebaso, te naga homugo digi nago te genuai sę dabe ebao. Te megi da, nago te tama genuai sę dabe yabo po enabolo pusali dao.

Tuni Bidi Dabego Po Elalubo Buku Deli 17:19 Referans Kwoze

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Efesus 3:11

Polobadu digi dago Genuai Bidi Krais Jisasgo sęde Godigo te wiegi yai homu kolesaga eyu tama tiaibao homu yai. Tama megi agai te yali homu kolesaga wali pelama te sę yali dao.

Matyu 11:26

Awe, Aya, nago te tiwai yaibao homu elama, tama tede dwagi yai homu eyu, nago tama tiwai naga yai dao.” Jisasgo te po aga Ayabolo wali.

Daniel 9:17

God, te eno gedu haluasa po me hanalubo po odao. Eno homugo te naga genuai nogide homu kone palama, tama te augwaligo dolali be te nago ma dodolabo homu yao.

Aisaia 49:3

Te agai te tiwai po wali, “Israel, nage eno sę bidi da. Te nagede naga, te eno bomo, me eno genuai nogi te tigidali we bidiba ola mawaibao,” wai dao.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Godigo Nogi Ugwaba Sabo Tęąbi Po Wabo Buku Dabe 111:6

Agai te meba hanigo tǫ te aga hani we bidi dabeba mawai. Tama tiyu, te kolesagade agai te aga bomo te aga te augwaliba ola mawai dao.

Godigo Nogi Ugwaba Sabo Tęąbi Po Wabo Buku Dabe 111:3

Tigidali sę agai ebo te aga genuai nogi pedalumainu yai, tama te wiegi yai mu yali. Te agai doloba pai kolesaga te sesemane elalua pidu, elalua pabo dao.

2 Samuel 7:21

Te nago te genuai sę dabe te naga homugo digi yali. Tama megi te nago enabolo te po pusa mani, te naga kolesaga digi ena ola mani.”

Tuni Bidi Dabego Po Elalubo Buku Deli 17:18

te nago ena nogi ugwaba sobao. Tama tialima, eno mena po nagebolo wagawe? Ena naga sę bidi, te nago ena koneai dao.

Tuni Bidi Dabego Po Elalubo Buku Deli 17:20

Genuai Bidi, nage tiwai deli me menio. Naga duba deli te God mu da, te dago dena wąį nǫų dabego pedauwalide odali tiwai dao.

Godigo Nogi Ugwaba Sabo Tęąbi Po Wabo Buku Dabe 116:16

Genuai Bidi, ena naga sę bidi dao. Eno nago sę ebao, te polobadu idago yali tiwai. Nago ena te kęąluali bono pisigina sąnama, tama ena magi naigo me dąų wasiąma, te olo wiegi yai pedelama bidibao.