Tuni Bidi Dabego Po Elalubo Buku Deli 17:14 - Godigo dwagi yai po buku

¹⁴ Te eno agai hani bidi dabede te king sesemane pedalumainu ilaibao, tama augwaligo eno te we bidi hani dabe tonalumainu yaibao po wai dao,’ te po Devitbolo pusao,” Genuai Bidigo Natanbolo te po wai.

Tuni Bidi Dabego Po Elalubo Buku Deli 17:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:36

Te aga hani wąį nǫų dabe me sia sisąma, te sesemane me elaludaibao wai. Tama aga hanigo te we bidi dabe sesabi elama, mu tonalu, te giliga me elalubo tiwai gilama yaibao.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Tuni Bidi Dabego Po Elalubo Buku Deli 17:13

Tama ena te aga aya bidu, te aga eno ogwa bidaibao. Tama eno agaba te olo mu tau sabo wiegi yai kolesaga sesemane sogo idueibao. Eno aga tudiba me mugobeo, te nage king bidisiąbadi te bidali kingba eno te yali kolesaga tiwai me egobeo. Menio.

Tuni Bidi Dabego Po Elalubo Buku Deli 17:15

Tama Natango Genuai Bidigo te po dabe wabo odama, tialima aga pelama, te Genuai Bidigo agabolo te ola mani sę po tigidali te Devitba waligi palio.