Biblia Todo Logo
Bib sou entènèt

- Piblisite -




Tuni Bidi Dabego Po Elalubo Buku Deli 17:12 - Godigo dwagi yai po buku

12 Te kingo tama te eno be sęwaibao. Te eno agai hani bidide naga te sesemane sogo king pedalumainu yaibao po walio.

Gade chapit la Kopi




Tuni Bidi Dabego Po Elalubo Buku Deli 17:12
21 Referans Kwoze  

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.


Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.


Tama tibaso, megi da, te eno Genuai Bidi Godigo be sę yabo homu ebao. Polobadu Genuai Bidigo te bomai po dąų waliyu, eno ayabolo te tiwai po wai, ‘Eno te nage te naga ogwa me deligo hasegelama, te king pedalumainu yaibao,’ po wai. ‘Tama agai te eno be sę emainogo elama, te we bidi augwali tede ena pąba asomainu yaibao,’ wali. Genuai Bidigo te tiwai bomai po dąų walaligo tama megi da, eno agai te dąų walali bomai poba usu nagasobao,” wali.


Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.


Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.


Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.


Sesemane sogo te aga hani bidi me deli te king pedalu, ela piduaibao wali. Tama aga hani king me deligo te Israel dabe sesemane tonaluaibao, te dagalu ugwadu sesemane elalubo tiwai gilama yaibao.”


“Tama eno te po wali, ‘Te king dabe nago hanide naga pedelaibao,’ wali. ‘Mu tama, sesemane sogo eno te nago hani bidi me deli te king bidi mudaibao,’ te po wai.” Nago te po wai dao.


Tialima, te Juda dabego te tama po wei ponani, ‘Da te dagalu me tǫ tonalubo Godigo sę bidi dabe dao,’ po wai. ‘Tama polobadu mu te dago bomai king bidi me deligo te tempel be sę yani. Tiali goli, te boi bidi dabego te be dolali, tama dago megi ma sę ebao,’ wali.


Tiali goli, nago digi eno te be me sę egobeo. Menio. Te nago ogwa mu me deligo te eno be sę emainu yaibao, te eno we bidi dabe augwali te ena pąba asomainu yaibao,’ God Genuai Bidigo te po wali.”


“‘Te nage isama augwaligo nage pubalobo sogo da, teda eno nago ogwa me deli te king pedalumainu yaibao. Te aga bomai king pedelama, te eno magi nai me deligo aga aiyaba elalumainu me egobeo.


Tama ena te aga aya bidu, te aga eno ogwa bidaibao. Tama eno agaba te olo mu tau sabo wiegi yai kolesaga sesemane sogo idueibao. Eno aga tudiba me mugobeo, te nage king bidisiąbadi te bidali kingba eno te yali kolesaga tiwai me egobeo. Menio.


Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.


Genuai Bidi, te ensel dabego te nago ebo wiegi yai sę dabe balia po wabo dao, tama augwaligo te nago nogi ugwaba sabo dao. Me te dagalude konealubo homu dąų wai mobo bidi dabego te nageba balia po weyu, tama nago po wali mu pabo dao.


Swiv nou:

Piblisite


Piblisite