Tuni Bidi Dabego Po Elalubo Buku Deli 16:30 - Godigo dwagi yai po buku

³⁰ Dage tigidali tǫde we bidi da, dage agade wi elama didibili yao. Genuai Bidigo te tǫ dili ilama elalubao, tama tǫ te kikilasa me biligobeo.

Tuni Bidi Dabego Po Elalubo Buku Deli 16:30 Referans Kwoze

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Godigo Nogi Ugwaba Sabo Tęąbi Po Wabo Buku Dabe 93:1

Genuai Bidi king bidibao. Agai genuai nogi mu elalubao, tama genuai bomo me elalubo. Agai e tǫ te aga bidibo pesagede bomo elama, mu elalumainu yai dao.

Kolosi 1:17

Te tigidali nigali nai nigisiąbadi, te sogo aga bolo biduduai dao, tama tigidali nai agai aga bomogo tonaluyu, tama megi bugagia bidiyu tedela pabo menio.

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Aisaia 49:8

Genuai Bidigo aga sę bidiba te tiwai po wali, “Eno digi eno nage ma selama, te nage wiegi yai ilabo sogo bodolu muani, te sogo mu dolo eno nago i wabo odolama, nage tau saibao. Te nage eno bugagia tonaluaibao, te nagede naga eno te tǫde we bidi tigidali dali bomo yai po dąų waibao. Tama eno te Israel tǫ kantri wiegi yai ma pedalumainu ilaibao, tama te Israel hani augwa te megi olo elalubo tǫde ma bidaibao.

Godigo Nogi Ugwaba Sabo Tęąbi Po Wabo Buku Dabe 96:9

Dage tigidali we bidi te tedali wiegi yai bidiyu, tama Genuai Bidiba lotu waiyąo, tama dage agade noma siąo.

Tuni Bidi Dabego Po Elalubo Buku Deli 16:25

Genuai Bidi te polalubo bidi mu da, tama dago agai nogi ugwaba mu sinao. Te gasa god dabe te Genuai Bidi tiwai me elalubeo. Tama tibaso, da te Genuai Bidi dologoba pelama bidinao.

Tuni Bidi Dabego Po Elalubo Buku Deli 16:23

Dage tigidali tǫde we bidi, dagego tęąbi po te Genuai Bidiba wao. Te tigidali side agai dage ma dobola sali po hanilama pusao.

Tuni Bidi Dabego Po Elalubo Buku Deli 16:29

Genuai Bidi polalubao, tama tialima dagego agai genuai nogi ugwaba sao. Dagego te ofa sela asu, agai beba asiąo. Genuai Bidigo kolesaga te wiegi yai doloba pai mu elalubao, te kolesaga aga wiegi yai au tiwai elalubao. Tama tialima dagego te homu koneama te agaba lotu po wao.

Tuni Bidi Dabego Po Elalubo Buku Deli 16:31

Tǫ me dagalu, dage si homu pemene elama te we bidi hani dabeba te tiwai po walao, ‘Genuai Bidi king bidibao,’ te po wao.

Godigo Nogi Ugwaba Sabo Tęąbi Po Wabo Buku Dabe 76:8

Nage te dagalude bidiyu, tama nago te tigidali we bidi po tų ela mawaibao. Te sogo nage dolugulama, tama nago te bidi dabe augwaba te augwa po tų yabo po pusaibao, tama nage asiyu, te gasa bidi dabego dolali we bidi dabe tau sagasaibao. Tama tigidali we bidi wi mu ebaso, tama po me wagobeo. Augwa pedauwali pania siyu naga yaibao.

Godigo Nogi Ugwaba Sabo Tęąbi Po Wabo Buku Dabe 99:1

Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao.