Tuni Bidi Dabego Po Elalubo Buku Deli 16:28 - Godigo dwagi yai po buku

²⁸ Dage tigidali hani we bidi, dagego wiegi yai homu pemene Genuai Bidiba yao. Dage te agai genuai nogi me bomode wiegi yai pemene yao.

Tuni Bidi Dabego Po Elalubo Buku Deli 16:28 Referans Kwoze

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Godigo Nogi Ugwaba Sabo Tęąbi Po Wabo Buku Dabe 68:34

Dage tigidali we bidigo te Godigo genuai bomode po haninama pusao. Aga te Israel dabego king dao. Dago agai genuai bomo te dagalude subo dao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Godigo Nogi Ugwaba Sabo Tęąbi Po Wabo Buku Dabe 98:4

Dage tǫde we bidi dabe i hae weyu, Genuai Bidiba pemene yao. Te bugai haliga ebo tęąbi hodolama weyu, tama agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 67:7

Mu tama, Godigo te wiegi yai sę dabolo bugagia yai. Te tigidali tǫde we bidite aga dologode bidaluao.

Godigo Nogi Ugwaba Sabo Tęąbi Po Wabo Buku Dabe 67:4

Tigidali hani we bidi te bugai haliga elama, tama wiegi yai pemene ebo tęąbi emainu yao, magi baso meni, te nago tigidali we bidigo kolesaga te doloba pai po tų ebogo dagalaibao, tama nago te we bidi hani dabe te wiegi yai sunumidu bugagia bilimainu dodolobo dao.

1 Samuel 6:5

Dagego te dili keni piksa noma me, te dago bulu tǫ dolali bolo piksa noma dabe me, nigao,” wali. “Tama dagego te Israel dabego God dologode bidiyu, tama agai nogi ugaba siąo. Dagego te tiwai eyu da, te agai dageba me, te dagego godiba me, te dago bulu tǫba me, te dwai dene mabo sę me iligobeo.

Tuni Bidi Dabego Po Elalubo Buku Deli 16:27

Genuai Bidi aga bede bidibao, te aga genuai nogi elalu te king bidibao. Aga te tigidali bomo elalubo page bidi, te tigidali wiegi yai pemene ebo kolesaga me te tigidali sawi yai nai page bidi dao.

Tuni Bidi Dabego Po Elalubo Buku Deli 16:29

Genuai Bidi polalubao, tama tialima dagego agai genuai nogi ugwaba sao. Dagego te ofa sela asu, agai beba asiąo. Genuai Bidigo kolesaga te wiegi yai doloba pai mu elalubao, te kolesaga aga wiegi yai au tiwai elalubao. Tama tialima dagego te homu koneama te agaba lotu po wao.

Godigo Nogi Ugwaba Sabo Tęąbi Po Wabo Buku Dabe 96:7

Dage tigidali tǫde bidibo hani we bidi, dagego agai genuai nogi me bomo te ugwaba sao.