Tuni Bidi Dabego Po Elalubo Buku Deli 16:26 - Godigo dwagi yai po buku

²⁶ Magi baso meni, te gasa hani we bidi augwaligo god dabe augwali te tibo god naga da. Tialima Genuai Bidigo naga te dagalu nigai dao.

Tuni Bidi Dabego Po Elalubo Buku Deli 16:26 Referans Kwoze

Godigo Nogi Ugwaba Sabo Tęąbi Po Wabo Buku Dabe 102:25

Polobadu mu nago te tǫ nigali. Tama naga nogogo digi nago te dagalu nigiyu, tama ugwade elalubo nai tigidali nigai dao.

Pris Sę Ebo Bomai Po 19:4

“Dagego te tibo godiba lotu weyu, ena me tagaligio. Te dagego olo dali te olo nai aingo te lotu wabo tibo god nigilama, teba lotu me wagio. Te habu mu dao. Ena Genuai Bidi, ena dagego God, eno te po wai dao.”

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Kraisgo Geme Dualali Sę Pedelabo Po Jonbolo Ola Mani 14:7

Tama agai i bomonama weyu te po wabo, “Godigo te tigidali we bidi dodolama po tų yabo sogo te pąba pedalalio. Tama tibaso, dage agade wi eyu tama aga nogi ugwaba sao. Tama dagego Godibolo lotu po wao, te agai dagalu dali tǫ dali me, te tamu ąį me, te pusu ąį ulu pedalobo me, te tigidali nai nigali page bidi aga dao,” te dagalude bola soabo ensel mobo bidigo te po wai.

1 Korin 8:4

Te gasa we bidi augwaligo te tibo godiba ofa elama te mi dabe tubo kolesagade eno po megi obao. Dage mebago te tobage mi tuaio homu eyu tama dagego e po wabo dao, “Te tibo god te mu bidibo nai menio. Te olo piksa noma naga dao,” te po wabo. Awe, dago te po page koneani. Tama dage mebago e po me wabo dao, “Te god hauwa me elalubeo. Menio. Te God deli naga aga bidibao,” te wabo. Awe, te me dago koneani.

Godigo Sęba Tagala Palai Bidigo Po 19:26

Tama dagego te bidi Pol agai ebo kolesaga koneani dao, dago agai po dabe me odali dao. Agai Efesusde bidibo we bidi dabebolo wabo po dabe, tama agai Esia tǫde bidibo we bidigo me agai po tama wabo da, ‘Te tobage bidigo nogogo nigibo god da, bomo menio, augwali god mu menio, agai dage tau sogobeo,’ te po walio. Agai tama po wabode tigidali we bidi augwaligo te po wali pali, te Efesus be nanide me, te Esia tǫde me.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Tuni Bidi Dabego Po Elalubo Buku Deli 16:27

Genuai Bidi aga bede bidibao, te aga genuai nogi elalu te king bidibao. Aga te tigidali bomo elalubo page bidi, te tigidali wiegi yai pemene ebo kolesaga me te tigidali sawi yai nai page bidi dao.

Godigo Nogi Ugwaba Sabo Tęąbi Po Wabo Buku Dabe 96:5

Magi baso meni, te gasa hani we bidi dabego tibo god dabe te augwali tibo god naga dao. Tiali goli, Genuai Bidigo te dagalu dali, te ugwadu elalubo nai tigidali nigai dao.

Jopgo Po Asęani Elalubo Buku 9:8

Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.