Tuni Bidi Dabego Po Elalubo Buku Deli 16:25 - Godigo dwagi yai po buku

²⁵ Genuai Bidi te polalubo bidi mu da, tama dago agai nogi ugwaba mu sinao. Te gasa god dabe te Genuai Bidi tiwai me elalubeo. Tama tibaso, da te Genuai Bidi dologoba pelama bidinao.

Tuni Bidi Dabego Po Elalubo Buku Deli 16:25 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

Godigo Nogi Ugwaba Sabo Tęąbi Po Wabo Buku Dabe 76:7

Tiali goli, God, te bidi dabego nagede te wi umabo mu ebo dao. Te nago augwaliba wado po obaso da, teda de te nago gedude dolalubo sogo usu egowe? Te me deligo usu me egobeo.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Tuni Bidi Dabego Po Elalubo Buku Deli 16:24

Dagego te tigidali we bidi haniba te agai genuai nogi po dagego te po walao, te agai wiegi wiegi yai sę dabe yai dao.

Tuni Bidi Dabego Po Elalubo Buku Si 2:5

Tama eno genuai be mu sę yaibao. Magi baso meni. Dago Godigo genuai nogi mu elaluyu, tama me genuai bomo mu elaluyu, tama agai gasa meba god dabe edelama aiyaba elalubao.

Godigo Nogi Ugwaba Sabo Tęąbi Po Wabo Buku Dabe 48:1

Genuai Bidigo genuai nogi elalubao. Da te Godigo bulu duba holinao, tama agai taun tomoba pelama, tama dago agai nogi ugwaba mu sinao.

Godigo Nogi Ugwaba Sabo Tęąbi Po Wabo Buku Dabe 76:8

Nage te dagalude bidiyu, tama nago te tigidali we bidi po tų ela mawaibao. Te sogo nage dolugulama, tama nago te bidi dabe augwaba te augwa po tų yabo po pusaibao, tama nage asiyu, te gasa bidi dabego dolali we bidi dabe tau sagasaibao. Tama tigidali we bidi wi mu ebaso, tama po me wagobeo. Augwa pedauwali pania siyu naga yaibao.

Godigo Nogi Ugwaba Sabo Tęąbi Po Wabo Buku Dabe 145:3

Genuai Bidigo genuai nogi elalubo, tama dago agai nogi ugwaba mu sidu geao. Agai ugwanu mu elaluyu, tama dago agai genuai nogi tigidali koneainogo ebo te usu me egobeo. Magi baso meni, dago homu kolesaga te habuge dao.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.