Tuni Bidi Dabego Po Elalubo Buku Deli 16:14 - Godigo dwagi yai po buku

¹⁴ Genuai Bidi aga dago God tama da. Agai e tǫde we bidi tigidali tonalubao.

Tuni Bidi Dabego Po Elalubo Buku Deli 16:14 Referans Kwoze

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Godigo Nogi Ugwaba Sabo Tęąbi Po Wabo Buku Dabe 118:28

Nage eno God da weyu, tama eno nageba puba hwi waibao. Nage eno God, tama te eno nage nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Godigo Nogi Ugwaba Sabo Tęąbi Po Wabo Buku Dabe 95:7

Aga digi dago God dao. Aga digi da we bidi te sipsip wai tiwai tonalubao, tama agai da nai mobao. Te e sogo megi tama dagego agai pedauwalide po odiąo.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Tuni Bidi Dabego Po Elalubo Buku Deli 16:12

Dage te wąį nǫų Abrahamgo wai dabe, aga te Genuai Bidigo sę bidi, dage Jekopgo hani, dage we bidi dabe Genuai Bidi aga da olama sa muani, dagego homu kone ma palao, te Genuai Bidigo bomai sę dabe te bidigo isąwai noma sabo sę agai yalio. Te dagego homu kone palao, agai yabo sę dabe te dwai bidi dabeba te dwai dene mawaibao.

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

Tuni Bidi Dabego Po Elalubo Buku Deli 16:15

Agai bomai po dąų wali kontrak me deli da dali yali, te dąų wali po te sesemane sogo elalueibao. Tama sesemane sogo agai te dąų wali poba homu kone paludubo dao.

Tigidali Nai Gagalama Nigali Side 17:7

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.