Tuni Bidi Dabego Po Elalubo Buku Deli 15:27 - Godigo dwagi yai po buku

²⁷ Devitgo te bobobage aiyaba tagalalubo ugwa augwaligo te gasa sawi yai nami ugwago nigai ugwa au yalio. Te Dąų Wali Bomai Po Munalubo Halobage tolobo pris dabe me te musik wabo prisgo me, te Kenaia, te sę tonalubo bidi, tigidaligo te Devitgo gudali ugwa au yali tiwai tobage au naga yalio. Te bobage ugwa daide ugwadu, Devitgo te prisgo gudubo nami ugwa me deli te muani, te augwa gasa sawi yai nami ugwago nigai dao.

Tuni Bidi Dabego Po Elalubo Buku Deli 15:27 Referans Kwoze

2 Samuel 6:14

Devitgo te prisgo bebo ugwa me deli gudali, te augwa sawi yai name ugwago nigai. Tama aga tęąbi eyu, tama sasa mano pali, te Genuai Bidigo nogi ugwaba siyu tiai dao.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

Tuni Bidi Dabego Po Elalubo Buku Deli 6:31

Te ede nogi elalubo bidi dabe te king Devitgo te Genuai Bidigo bede wiegi yai po wabo nai musik elabo bidi dabe sa muai dao. Te Dąų Wali Bomo Yai Po Muani Halobage te Genuai Bidigo sel ugwa beba muagaselama nosali badu Devitgo te hani dąį ilai dao.

Tuni Bidi Dabego Po Elalubo Buku Deli 15:28

Tama tiali kolesagade te Genuai Bidigo Dąų Wali Bomai Po Muani Halobage te tigidali Israelgo te Jerusalemba selasa pai. Augwa wiegi yai homu pemene elama i bomonama weyu, tama augwa te tobage biugel bu weyu, te brasgo nigali pletba elu, te tobage gita dabe me elali, tama te musik eliyu kulukulu genuai mu pedelalio.