Tuni Bidi Dabego Po Elalubo Buku Deli 15:17 - Godigo dwagi yai po buku

^17-21 Tialima te tobolu bidi dabego te bidi Heman dąį ilali, te Joelgo ogwa, me aga hani bidi te Asap, te Berekiago ogwa. Tama me augwaligo te Etan dąį ilali, te Kusaiago ogwa te Merari hani bidi. Te bidi dabego te tęąbi eyu te brasgo nigai plet pou elibo sę eyu yalio. Te tobolu bidi dabego te bidi sela tau sabo gasa bidi dabe me dąį ilali. Te Livai dabego te gita elebo sę elaluai. Te augwali mebago te gasa tobage gita me elali, te aga dogoni ugwaba ebo da. Te bidi dabe nogi da e tama, Sekaraia, me Jasiel, me Semiramot, me Jehiel, me Uni, me Eliap, me Masea, me Benaia da. Te mebago te gasa tobage gita me elali, te dogoni aiyaba dulalio. Te bidi dabe nogi e tiwai da, Matitia, me Elifelehu, me Miknea, me Obetidom, me Jeiel, me Asaia. Obetidom me Jeiel te bidi si te Godigo be sunumi tonalubo bidi hani dabede te sę ebo bidi me si dao.

Tuni Bidi Dabego Po Elalubo Buku Deli 15:17 Referans Kwoze

Tuni Bidi Dabego Po Elalubo Buku Deli 6:44

Devitgo dąį ilali sela wali bidi me nogi te Etan, agai te Merari hani tonaluali. Te musik tęąbi wabo sogo te Merarigo hani bage te Heman hani pobase nogo badu dolaluali. Etan te Kisigo ogwa, tama Kisi te Apdigo ogwa, tama Apdi te Malukgo ogwa dao,

Tuni Bidi Dabego Po Elalubo Buku Deli 6:39

Te Devitgo dąį ilali si wali bidi me nogi, te Asap. Asap te aga ama te Heman dali deli sę ebo bidi da. Tama te musik tęąbi wabo sogo Asap te aga hani dali te Hemango hanigo dolo nogo badu dolaluali. Asap te Berekiago ogwa, te Berekia Simeago ogwa da,

Tuni Bidi Dabego Po Elalubo Buku Deli 6:33

Devitgo te musik wabo sę tonalubo bidi sela dąį ilali. Tama nosali augwa wai dabego me te tobage deli sę naga yalio. Te hasia polalubo bidi te Kohatgo hani, tama aga nogi da te Heman. Agai te tęąbi po wabo mu koneani. Heman te Joelgo ogwa, tama Joel te Samuelgo ogwa, tama

Godigo Nogi Ugwaba Sabo Tęąbi Po Wabo Buku Dabe 83:1

God, nago pedauwali me pania sigio. Nage odolali me dualalugio. God, nage odolali me bidigio.

Godigo Nogi Ugwaba Sabo Tęąbi Po Wabo Buku Dabe 73:1

Godigo te Israel dabeba wiegi yai mu yai. Godigo te wiegi yai haliga elalubo we bidi dabeba te wiegi yai sę mu ebo dao.

1 Samuel 8:2

Te gomunai ogwa nogi Joel, te tomo ogwa nogi Abia. Tama augwali si te Berseba bulude bidiyu, tama te we bidi dabe po tų odama, tama augwaligo po dodoliyu bidalio.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Tuni Bidi Dabego Po Elalubo Buku Deli 6:18

Kohatgo ogwa dabe nogi e tama da, Amram, me Ishar, me Hebron, me Usiel da.

Tuni Bidi Dabego Po Elalubo Buku Deli 6:24

tama Asir te Tahatgo aya, Tahat te Urielgo aya da, Uriel te Usiago aya, tama Usia te Saulgo aya dao.

Tuni Bidi Dabego Po Elalubo Buku Deli 6:29

Merarigo hani da e tama elalubao. Merari te Maligo aya, Mali te Lipnigo aya, Lipni te Simeigo aya, tama Simei te Usago aya,

Tuni Bidi Dabego Po Elalubo Buku Deli 16:41

Tama Devitgo Heman me Jedutun dali te Livai meba te Genuai Bidiba tęąbi weyu usu da po wabo bidi meba agai dąį ilalio. Te tęąbi nogi e tiwai wali, “Sesemane sogo Genuai Bidigo da godolo umagi mu ebo dao.”

Tuni Bidi Dabego Po Elalubo Buku Deli 16:42

Heman de Jedutun sigo te biugel eliyu, te brasgo nigai pletba elali, te gasagi yai musik dabe te lotu tęąbi wabo sogo elalio. Tama te Jedutungo ogwa dabego te Gibeonde elaluali Genuai Bidigo sel ugwa be sunumi dabe tonalubo sę yalio.