Tuni Bidi Dabego Po Elalubo Buku Deli 14:16 - Godigo dwagi yai po buku

¹⁶ Tialima Devitgo te Godigo po wali pelama, te Israel augwaligo te Filistia dabe pobelama, te augwali dolali, te taun Gibeonde gagalasa pali, te taun Geserba usu nigi palio.

Tuni Bidi Dabego Po Elalubo Buku Deli 14:16 Referans Kwoze

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Dwagi Yai Gesi Po Jongo Asęani 13:17

Dagego te po page koneyu da, te sę yao. Tama te sę eyu da, teda dage dwagi yai homu yagameo,” Jisasgo te po wai.

Tigidali Nai Gagalama Nigali Side 6:22

Tialima, Noago Godigo agabolo te wali po gilama te tigidali sę ela silai.

Dwagi Yai Gesi Po Jongo Asęani 2:5

Jisas aga idago augwali te we sabo be page bidigo sę ebo bagebolo te po wai, “Jisasgo po me deli dage dali obaso da, teda dagego te po wali pao,” te po wai.

Tuni Bidi Dabego Po Elalubo Buku Deli 6:67

Sekem te elaluali taun dabede te taun me deli da, tama te Efraimgo bulu du badu elaluai. Te taun Sekem te Israel dabego dąį ilali te bidi elali wi pabo bidi te taunba geme duala sigibu yali taun me deli da. Te gasa taun dabe nogi e tiwai elalubao, Geser,

Josua 16:10

Tiali goli, augwaligo te Geserde bidali te Kenan bidi dabe te augwali me ela gudulubeo. Tama te Kenan dabe te Efraim dabe tomode bidaluali. Tama te Efraim dabego te Kenan dabe te augwaligo olo sę ebo bidi tiwai sę emainu yalio.

2 Samuel 5:25

Tialima, Devitgo te Genuai Bidigo po odama, tama te Israel dabego te Filistia dabe pobeasa pelama, tama augwali dolali, te Geba taunde gagalasa pali, te Geser taunba usu nigi palio.

Tuni Bidi Dabego Po Elalubo Buku Deli 14:15

Tama dagego te bidi dabe augwali te ni abude bilibo sela wabo tiwai odaibao. Tialima dagego koneaibao, ena digi eno te Filistia dabe dali hwįainu polasa paibao. Tama dagego te sela wabo odobo sogo, te dage udayu, te augwaliba boi hwįgi pao,” te po wali.

Tuni Bidi Dabego Po Elalubo Buku Deli 14:17

Te tigidali bulu tǫ kantri we bidigo Devitgo te tama sę yali po odama, te augwaligo Devitba genuai nogi manio, tama Genuai Bidigo digi te augwali Devitde wi emainu ilai dao.

Aisaia 28:21

Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Tuni Bidi Dabego Po Elalubo Buku Deli 20:4

Tialima te Filistia dabe dali Israel dabe dali si tomode te boi dala sai, te Geser taun pąde da. Te Israel me deli, te aga nogi Sibekai te Husa bulu bidigo, agai te moni dobo dwai bidi dabede te bidi me deli ela muani, aga nogi Sipai. Tama te Israel dabe augwaligo te Filistia dabe aiyaba elaluai dao.