Tuni Bidi Dabego Po Elalubo Buku Deli 14:12 - Godigo dwagi yai po buku

¹² Te Filistia dabe augwali wi peyu, te augwa tibo god taga palio. Tama Devitgo te tama po aga ami bidi dabeba obaso, te augwaligo te tibo god dabe isiba ulai dao.

Tuni Bidi Dabego Po Elalubo Buku Deli 14:12 Referans Kwoze

Ma Dobola Sali 32:20

Tama Mosesgo augwaligo te nigali bulmakau selama, tama siaba ulai. Tama te gol ąį tiwai pedelama, tama nosali kedau elama, dila saide, agai te hamago haluama, te olo pauda tiwai pedelai. Tama agai te pauda gol te pabo ąįba sąwai. Tama sąsą bila silama, tama Mosesgo te tiwai ilama, te Israel dabe augwaligo te ąį tumainogo yalio.

Te Israel me Juda Hani Sigo Tuni Bidigo Po Elalubo Buku Si 19:18

“Tama me te king bidi dabe augwaligo te hani we bidi dabe augwaligo te tibo god noma nigali piksa dabe tigidali selasa pelama, siaba tigidali ulali. Te tibo god dabe da, polo dolobo god dabe da, magi baso meni, te god dabe da, te da tibo god dabe da. Te god dabe da, bidigo digi te ni dabe te masigi dabe selama, te nogogo nigai god naga dao.

Bomai Po 7:25

Dagego augwaligo tibo god dabe sese tama isi ula silao. Tama me dagego augwaligo te augwa te tibo god au ilali gol me silva, te nai dabe godolo me elamuo. Dagego te nai dabe me selamuo. Magi baso menio, Genuai Bidigo te tibo god dabede dwai homu mu ebo dao. Tiyu, dagego sai madi dagego Genuai Bidiba lotu po wabo kolesaga tagalamu dao.

Bomai Po 7:5

Dage te bidi hani dali abagi igimio. Menio. Dagego augwaligo alta togoyu, me augwaligo tibo god noma elalubo masigi pos ni toga sąyu, me te tibo god we nogi Aserago noma elalubo ni pos toga sąyu elama, me augwaligo tibo god piksa sia uluyu yao.

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

2 Samuel 5:21

Te Filistia dabe wi peyu, te augwa tibo god dabe taga pali. Tama Devit dali te aga ami bidi dabego te doado bage selasa palio.

Tuni Bidi Dabego Po Elalubo Buku Deli 14:11

Tialima Devit dali, aga ami bidi dabe dali, augwaligo te Filistia dabe dali hwįgi pelama, te augwali aiyaba elaluai. Te agai te tiwai po wali, “God te bomai wę tiwai asama, te eno nogode agai eno boi bidi hani dabe togolalio,” wali. Tama augwaligo te bulu nogi te tiwai wali, Genuai Bidigo Te Hani Si Togolobo Dao, walio.

Tuni Bidi Dabego Po Elalubo Buku Deli 14:13

Tialima nosali te Filistia dabe te odogo bulu Refaimba ma aselama, te augwaligo dwai sę te we bidi augwaliba ma yagasalio.

Te Israel me Juda Hani Sigo Tuni Bidigo Po Elalubo Buku Si 10:26

Tama augwali te lotu po wabo be tomoba pelama, tama augwaligo te bidi dabego lotu po wabo te noma ni dabe sali, tama augwaligo te ni dabe selasa buluba pelama, tama augwaligo te bulude te noma ni dabe isiba ulali.