Tuni Bidi Dabego Po Elalubo Buku Deli 14:11 - Godigo dwagi yai po buku

¹¹ Tialima Devit dali, aga ami bidi dabe dali, augwaligo te Filistia dabe dali hwįgi pelama, te augwali aiyaba elaluai. Te agai te tiwai po wali, “God te bomai wę tiwai asama, te eno nogode agai eno boi bidi hani dabe togolalio,” wali. Tama augwaligo te bulu nogi te tiwai wali, Genuai Bidigo Te Hani Si Togolobo Dao, walio.

Tuni Bidi Dabego Po Elalubo Buku Deli 14:11 Referans Kwoze

Aisaia 28:21

Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Ma Dobola Sali 14:28

Tama te Isip tuni bidigo ami bidi dabe augwali te Israel hani wali peyu, te tamu wę tomoba pali bage, te wę ma asiyu, te Isip ami bidi dabe augwali mesega sai. Tama agai te ami dabe tigidali, me te hos, me karis dabe, augwali dali agai te węgo mesegelali, tama deli me bidibeo. Tigidali isai.

Matyu 7:27

Tama tulubage tuluyu, te wę bomo yai asiyu, tama bomai wali pedaliyu, tama te nai dabego te be degelama, tama te be degelai dao. Te be dolama mu degai dao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 144:10

Nago te Israel hanigo king dabe te hwįbode tau siyu, tama augwaligo te boi bidi dabe aiyaba elalubo dao. Tama dwai boi bidigo ena te moni hwągo elidali weyu, nago naga sę bidi, ena Devit, ma sabo dao.

Jopgo Po Asęani Elalubo Buku 30:14

Augwaligo ena dali hwįagasu da, te genuai hwįbo ami hani bagego moni hanu bagulali obo aluama, tomoba pelama, hanu tomode hwįbo tiwai mu ebo. Te tamu ąį dini holama, saneba buguasa asobo tiwai me augwaligo enaba asiyu tama tebo dao.

2 Samuel 5:20

Tialima, Devitgo te Filistia dabe augwaliba hwįgi pelama, tama augwali aiyaba elaluai. Tama agai te tama po wai, “Genuai Bidi te wę bomo asobo tiwai elama, tama eno boi bidi hani dabe pedelama togolali.” Tama tiyu, augwaligo te bulu nogi te tiwai nogi yali, Te Genuai Bidigo Te Hani Togolai Dao.

Godigo Nogi Ugwaba Sabo Tęąbi Po Wabo Buku Dabe 144:1

Eno te God nogi ugwaba sobao. Agai ena bomo elama, tonalubo dao. Agai enabolo te hwįbo kolesaga bugagia ola mobaso, tama agai eno te hwįabo sisi elalumainu yalio.

Godigo Nogi Ugwaba Sabo Tęąbi Po Wabo Buku Dabe 44:3

Te wąį nǫų dabego hwįani, tiali goli augwaligo te tǫ te hwįnama me sabeo. Te augwa digi augwa bomogo te hwįbo tau selama, te boi bidi aiyaba me elalubeo. Menio. Nago augwali wei mu yali, tama tiyu, nage augwali dali bidiyu, tama augwaliba ula mani. Tama nago bomogo digi te boi bidi aiyaba elaluai dao.

Tuni Bidi Dabego Po Elalubo Buku Deli 14:10

Tialima Devitgo Genuai Bidiba te tiwai hanalu wali, “Nago homugo eno te Filistia dabe augwaliba boi hwįgi homu eba agawe, ma meniwe? Te ena pobaso da, teda nago ena tau siyu, te augwali aiyaba elalumainu yaibawe, ma meniwe?” wali. Tama Genuai Bidigo te tiwai po agaba wei ponani, “Awe, nage pao. Te eno augwali nago nogoba munama, te nago augwali aiyaba elalueibao,” te po wai dao.

Tuni Bidi Dabego Po Elalubo Buku Deli 14:12

Te Filistia dabe augwali wi peyu, te augwa tibo god taga palio. Tama Devitgo te tama po aga ami bidi dabeba obaso, te augwaligo te tibo god dabe isiba ulai dao.