Tuni Bidi Dabego Po Elalubo Buku Deli 13:5 - Godigo dwagi yai po buku

⁵ Tibaso, Devitgo te tigidali Israel dabe te tigidali tǫ pedaiba i wali, te wę Sihor te Isip tǫ dąį igi pali te saut badu gagalama, tama te bulu Hamatba pabo te sunumi tunu mage si te not badu usu nigi palio. Tialima augwali sisinagaselama, te bulu Kiriat Jearimba pelama, te Dąų Wali Bomai Po Munalubo Halobage muani te sigi peyu yalio.

Tuni Bidi Dabego Po Elalubo Buku Deli 13:5 Referans Kwoze

1 Samuel 6:21

Tama te bidi dabe augwaligo te taun Kiriat Jearim hanude bidibo bidi dabe augwaliba te tiwai po wagi pomainu tagala palai, “Te Filistia dabego te Genuai Bidigo Dąų Wali Bomai Po Munalubo Halobage te dago buluba ma sela asalio. Tama tibaso, dago homugo te dage aiyaba dulama asu, tama sagasiąo,” te po wagi pai.

Te Israel me Juda Hani Sigo Tuni Bidigo Po Elalubo Buku Deli 8:65

Te sogo Solomon dali, te tigidali Israel dabe me, te Jerusalemba sisinama, te osogo bidabo bede bidibo bodolu muani te genuai side sisinama bidali. Augwali te Genuai Bidi dago Godigo gedude sisinama bidali te a naga olama, me si sogo te sisinama bidali, tama nosali augwali te a naga olama, me si te tama sogo ma sisinani, te tigidali deliba taluama, te 14 sogo bidai. Te genuai hani we bidi te tigidali tǫ pedai badu asali, te Hamat hanuba pabo sunumi tulumage side gagalasa pali, te not pedai badu teba usu nigi pelama, te Isip tǫ pedai te saut badu dąį igi pai.

2 Samuel 6:1

Devitgo te hwįbo bugagia mu koneani bidi dabe ma sisinani. Te Israel ami dabego namba te umabo mu, 30,000 usu nama elaluai.

Tuni Bidi Dabego Po Elalubo Buku Deli 15:3

Tama Devitgo te Israel dabe tigidali te Jerusalemba sisinagasomainu i wali, te augwali pelama, te Dąų Wali Bomai Po Munolubo Halobage te agai sisi ilali pesageba sela asomainu yalio.

Tuni Bidi Dabego Po Elalubo Buku Deli 13:6

Tama Devit dali te tigidali Israel te Juda tǫba pali, te Bala taunba pali, te aga gasa nogi me Kiriat Jearim. Augwaligo te Godigo Dąų Wali Bomai Po Muani Halobage sigibu palio. Te halobage te nogi augwa e tiwai wali, Genuai Bidigo Dąų Wali Bomai Po Munalubo Halobage dao wali. Te halobagede te mobo bidi ensel si noma ugwadu daide elaluali, te Genuai Bidi king dugulalubo sia sai tiwai dao.

Te Israel me Juda Hani Sigo Tuni Bidigo Po Elalubo Buku Si 25:21

Te Hamat hanigo tǫ, te Ripla hanude, tama te kingo te po wai, tama augwaligo te bidi dabe elama, isilao wali. Tama te Babilon hani bidi dabego e tama tiali, tama nosali te augwaligo te gasa Juda hani bidi dabe selasa pelama, te Juda tǫ tagalama, te Babilon buluba hadabu egi pali.

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

Jeremaia 2:18

Magi baso nage te tǫ kantri Isipba pelama, te wę Nail tugi paiba obawe? Magi baso nago homu kone paliyu, te bulu tǫ kantri Asiriaba pelama, te wę Yufretis tugi pabo homu eyuwe? Te kolesagago nage dwasianu tau sainu ebaso, usu mu egobeo. Mu menio.

Josua 9:17

Tama tibaso, megi da, te Israel dabe augwali hogodama, te gasa badu poloba palio. Augwali pelama, te sela sogo dąį igi pabode, tama augwali te hani dabego hanuba sabolai. Te hanu dabe nogi e dao: Gibeon, Kefira, me Berot, me Kiriat Jearim. Te e tama hanuba augwali sabolai.

1 Samuel 7:1

Tialima, te Kiriat Jearim bulude bidali bidi dabe aselama, te Genuai Bidigo halobage selasa peyu, te augwa hanuba ma sela solama, tama augwaligo te Abinadapgo be te dwasianu bulu dude elalubo beba muani. Tama augwaligo te aga ogwa te Eleasar te tonalubo bidi pedalumainu nigilali, te Dąų Wali Bomai Po Munalubo Halobage te bugagia tonalumainu yai.

Tuni Bidi Dabego Po Elalubo Buku Deli 13:4

Te we bidi tigidali augwaligo homugo te wali po godolo mu elama, Devitgo te po usu da po walio.

Aisaia 23:3

Tama nage te nai abeliyu, te nai maketde muyu ebo genuai nogi sabo bulu tiwai yai dao. Te sip dabe te Isipba, te wę Nail elalubo badu pelama, tama te wit nai dabe nageba sesai dao. Tama nago te nai dabede bisnis sę elama, te naide mone hauwa sai dao.

1 Samuel 7:2

Te kibu be bidi sese deli 20 sabalubode nosali badu, te Genuai Bidigo Dąų Wali Po Munalubo Halobage te Kiriat Jearim hanu buluba sabolali, te Israel dabe augwali tau somainu, Genuai Bidiba gela wabo sę bomonama yai dao.