Tuni Bidi Dabego Po Elalubo Buku Deli 13:11 - Godigo dwagi yai po buku

¹¹ Devitgo suali, Genuai Bidigo te Usa ela muani sę sulama, tama Devitgo wado yali. Te bulu nogi augwaligo te tiwai nogi yai, Godigo Usa Ela Muani Pesage dao, wali. Tama te buku asęani bidi bidali sogo te we bidi augwaligo te tiwai nogi me udalio.

Tuni Bidi Dabego Po Elalubo Buku Deli 13:11 Referans Kwoze

Jona 4:9

Tiali goli Godigo te tiwai po Jonabolo wali, “Te bono sasiaide nago wado po wabo. Nago te wado po wabo te dolo da, agawe?” Tama Jonago po wei ponoyu, te po wai, “Awe, eno wado ebo dolo ebao. Ena sębę mu ebao! Tagalao, te ena isimainu yaibao,” wai.

Jona 4:4

Genuai Bidigo po wei ponoyu, te po wai, “Nago te wado po wabo te dolo da, agawe?”

2 Samuel 6:9

Tama megi da, Devitgo te tama po wali, “Magi elama tama, te Genuai Bidigo Dąų Wali Bomai Po Muani Halobage ena dali pelama, bidigi pogowe?” wali.

2 Samuel 6:7

Tama Genuai Bidigo te Usa dali wado eyu, sębę mu yali, magi baso meni, Usago homugo te halobage olo nai da homu eyu, tama agai nogogo tuali. Tama Godigo aga elalima, tama aga te Godigo halobage dolo pąde isalio.

Josua 4:9

Tama Josuago te gasa masigi dabe te nogo si olama, sągą badu si masigi te pris dabego te dąų wali po muani halobage tolaluyu dolaluali madi, te Jordan ąį tomode te sesege badu te masigi dabe dodolai. Tama te masigi dabe me elalubo dao.

Bomai Po 34:6

Tama Genuai Bidigo Mosesgo tigi te Moap bulude te hanu me te Betpeor hanu dolo si te odogo malu bulude pubulali. Tama megi me te bidi mego te Mosesgo gų page mena bulude odogode elalubawe, bidigo me konebeo.

Tigidali Nai Gagalama Nigali Side 32:32

Tama te sogo dąį elama, megi tama bidada asobo sogo, te Israel dabe augwaligo te kibu sipsip, meme, bulmakau, te bage sili dilide daganalubo mi te me tubeo, magi baso meni, polobadu te bidigo Jekop te sili dilide elali dąį elama, tama tiai dao.

Tuni Bidi Dabego Po Elalubo Buku Deli 13:10

Tama Genuai Bidi sębę mu yai, magi baso meni, Usago nogo te Dąų Wali Bomai Po Muani Halobageba muani. Tama tede digi tama te Genuai Bidigo aga ela muani, te Genuai Bidi aga gedude tiwai dao.

Tuni Bidi Dabego Po Elalubo Buku Deli 13:12

Tama Devit te Genuai Bidide wi ebaso te tama po wali, “Magi elama mu eno te Godigo Dąų Wali Bomai Po Muani Halobage ena dali te buluba sela paibawe?”

Ma Dobola Sali 19:22

Te pris dabe augwali ena pąba asobo bage, augwali me te augwaligo homu kolesaga dwai meda elalubo dabe geselama, tama augwali eno gedude wiegi yai pedelao. Ma, te kolesaga isąyu da, teda eno augwali dene ilaibao,” wali.

Tuni Bidi Dabego Po Elalubo Buku Deli 15:13

“Te hasia dago sigi pali sogo te dage da dali me pisąwai. Te God, Genuai Bidigo, te dabolo dene mabo sę yali, magi baso meni, dago te dolo yai kolesaga wali pelama te Godiba bolo te dago mena kolesaga yabo te hanalubeo,” wali