Tuni Bidi Dabego Po Elalubo Buku Deli 12:8 - Godigo dwagi yai po buku

⁸ Te Devit te geme duala sabo bomai bulu te tǫ wa pai bulude bidali sogo, te Gat hanigo bomai ami bidi mebago Sol tagalama, te Devit dali bidagasalio. Te bidi augwali te wiegi yai ami bidi dabe mu te sabele tulama, te sesemone enego enebo mu koneai. Te augwali boi hwįani sogo, augwa gesabi mu tuluga sali, te wi meni yai hasa laiongo gesabi tiwai yali. Tama augwa umagia mu udayu, te bulu dude bidibo uni hasa udabo tiwai yalio.

Tuni Bidi Dabego Po Elalubo Buku Deli 12:8 Referans Kwoze

2 Samuel 2:18

Te Devit aga abe Seruiago ogwa sela, te Joap, me Abisai, me Asahel, augwali me te hwįbode bidali. Asahelgo udabo te bulu uni hasago bomo elama, mu udabo te tiwai yai dao.

2 Samuel 23:20

Tama Benaia, te Jehoiada te Kapsel hanu bidigo ogwa, aga me te bomai ami bidi me deli dao. Tama hauwa sogo agai te boi bidi dabe dali bomonama, hwįani. Me sogo deli agai te Moap dabe bomai ami bidi si ela muani. Tama me sogo deli sogode te talua ge tulubage te tǫba tulubo side, Benaia te genuai tǫ dedage me deli aiyaba dulama, tama te bomai hasa laion me deli ela muani.

2 Samuel 17:10

Tama nago te gasa ami bidi dabego te tama po odama, tama te wi dwai mu eyu, te augwa digi te hwįbo bomai bidi elalu, tama augwa te laion tiwai gilama te bomai bage dolalu, te tagala weyu godolo meni yani. Te Israel bage tigidaligo koneani, te nago aya te polalubo ami bidi mu, tama agai bidi dabego te bomonama mu hwįbo dao,” wali.

Jeremaia 46:9

Dage eno hos dabe, dage udayao. Dage eno karis dabe, dage umagia mu udayao. Dage eno bomai ami bidi dabe, dage te tǫ kantri Sudan me Libia ami dabe, dage te hwįbo sabele tolasa pabo bidi dabe, dage Lidia ami dabego, dage te enesigigo enebo koneai bidi, dage tigidali te boi hwįgi pao,” te po wai.

Solomon 8:14

Eno wiegi yai abagi da, eno homugo nage polo ma asomainu homu yali, te wiegi yai bulu uni hasa me deli tiwai te bulu du dabeba eda udada holu, te wiegi yai nai dabe denami pągąną pabo tiwai ebo dao.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Bugagia Bidibo Kolesagade Po Asęai Buku 6:5

Nage te kalabus elalubo tagalao, te uni hasago ma te bago te wa tagalama, wi pabo tiwai yao.

Tuni Bidi Dabego Po Elalubo Buku Si 25:5

Te king Amasiago tigidali Juda hani dabe me tigidali Benjamin hani sisinagasiąo po wali. Te augwali sisina silagasabo si, agai te bidi dabe te kibu be 20 me 20 kibu be edelai bidi dabe aga selama sa muani, tama augwali agai ami haniba muani. Tama agai te ofisa bidi dabe sa muani, te augwali meba deli deligo te 1,000 bidi dabe tonaluyu, mebago 100 bidi dabe tonaluyu yabo sa muani. Tama agai deli deli ofisa dologode deli deli hani bidi dabe muyu muyu ela pali. Tama tigidali ami bidi dabe sesego namba te 300,000 usu nama elaluali. Tama te bage augwali bugagia hwįyu, me augwaligo enego me sabele ni name dage dabe dali bugagia mu hwįbo bage dao.

Tuni Bidi Dabego Po Elalubo Buku Deli 12:16

Me sogo deli te gasa Benjamin hani me te Juda hani te bidi meba pelama, te Devit geme dualalubo bomai buluba sugi palio.

Tuni Bidi Dabego Po Elalubo Buku Deli 11:22

Tama Benaia, te Jehoiadago ogwa te Kapsel taun bidi, aga me te bomai ami bidi me deli da. Te hauwa sogo agai te boi bidi dabe dali hwįbo bomo yalio. Me sogo deli agai te Moap moni bomai ami bidi si ela muai. Te me sogo deli, te talua ge tulubage te tǫba tulalubo sogo, Benaia te genuai tǫ dedage me deliba dulama, te bidi elebo bomai hasa laion me deli ela muai dao.

Tuni Bidi Dabego Po Elalubo Buku Deli 11:16

Te sogo Devit te boma pai geme dulalubo bulude bididubadi, tama te Filistia ami dabe mebago te Betlehem taun sai yalio.

2 Samuel 1:23

Te Israel aga hanigo bidigo te Sol de Jonatan si godolo homu mu eyu yai. Augwali si te wiegi yai bidi mu dao. Te sesemane sogo augwa si bugagia mu kisasa bilama, tama augwa si isali me te kisalubadi isalio. Augwali si te polo asesa mu udayu, te boi bidi dabe pobeasa pali, tama te ba kemodagego te hasa dabe ela tuainu pobebo te aiyaba mu elaluali. Tama augwali sigo bomogo te laiongo bomo aiyaba elaluai dao.”

1 Samuel 24:22

Tialima, Devitgo bomai po dąų walali. Tama Sol aga buluba ma geasa peyu, tama Devit aga bidi dabe dali te geme dualaluali pesageba ma geasa pai.

1 Samuel 23:29

Tama Devitgo te pesagede bidali te tagalama, tama pelama, te wiegi yai geme dualaluabo pesage te Engedi dabego tǫba bidigi palio.

1 Samuel 23:14

Devit pelama, te bulu meba wiegi yai madi te Sif bulu pąde, te bulu du dabede geme dualaluali. Te bulu pedai te bidi meniama, olo elalubo bulu tama. Tama Solgo Devit sesemane sogo gegabo sę yali, tiali goli Godigo te Solgo aga somainu me ilibeo.

Tuni Bidi Dabego Po Elalubo Buku Deli 12:7

tama Joela me Sebadaia, te Jerohamgo ogwa si, te Gedor bulu bidi dao.

Tuni Bidi Dabego Po Elalubo Buku Deli 12:9

Augwa nogi e tiwai elalubao. Hasia polalubo bidi Eser, namba 2 Obadia, namba 3 Eliap,