Tuni Bidi Dabego Po Elalubo Buku Deli 12:32 - Godigo dwagi yai po buku

³² Tama Isakar hanide te ofisa bidi te 200 bidi dali te Isakar hani ami tigidali badi te augwali dologode bidali. Te ofisa dabego homu kolesaga wiegi yai elalu, te mena tiwai nai pedalubo page me koneani, tama te Israel dabego mena tiwai sę yabo me koneai silai dao.

Tuni Bidi Dabego Po Elalubo Buku Deli 12:32 Referans Kwoze

Efesus 5:17

Tama dage te kolesaga meni yai we bidi tiwai biligio. Te menio. Dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Esta 1:13

Tama agai te po page koneai bidi dabe i olama asobo si, te po augwaligo agabolo pusubode te agai magi sę te tuni we dali yagasomainu yali. Te tuni bidigo te tiwai kolesaga elalubo te po page koneai bidi dabe aselama, te agai te bomai po me te we bidi augwali bidibo homu kolesaga dodolobo sę elaluai.

Aisaia 33:6

Tama tigidali sogo agai aga we bidi dage bugagia tonaluyu, tama agai dage bomo elama, tigidali sogo bidimainu yaibao. Tama agai dagebolo dwagi yai homu kolesaga dabe, me kolesaga dabe hauwa mu mawaibao. Tama dagego mu tobolu dįa holai elalumainu yaibao. Te wi elama, Genuai Bidi dologode elalubo kolesagade, Genuai Bidi agai wiegi yai nai dabolo maiabo dao.

Matyu 16:3

Tama be posobode kigamu dagego te po wabo dao, ‘Te pǫ sisi elama tama dagalu mama ebao. Tama tibaso megi da, te wali me tulubage tulaeibao,’ te po wabo dao. Awe, dagego te dagalu sulama, tama te magi be nosali pedalabo be te dagego konebo dao, te dagego dagalobo dao. Tiali goli dagego megi e sogo da te bodolu koneama dagalobo menio.

Kolesaga Koneai Bidigo Pusali Po Elalubo Buku 7:19

Te taunde tobolu bidi nogo si elalubaso, augwaligo te taun bomo yai pedelabo tau somainu yaibao. Tialima, wiegi yai homu kolesagago te bidi me deli boma pai mu pedelama, te taungo tobolu bidi dabego bomo aiyaba elalubo usu yaibao.

Bugagia Bidibo Kolesagade Po Asęai Buku 14:8

Te wiegi yai homu elalubo bidigo te aga bilibo homu kolesaga te bugagia homu kone palaibao. Tiali goli, te wiegi yai homu meni yani bidi dabe te augwa digi tibo po ola mawaibao, magi baso meni, te augwaligo homu kolesaga te geda mubo dao.

Bugagia Bidibo Kolesagade Po Asęai Buku 24:5

Te wiegi yai kolesaga koneani homu elalubo bidigo, tama agai te aga bulu tǫ pedai me te bomo yai pedalumainu ebo dao.

Tigidali Nai Gagalama Nigali Side 49:14

“Isakar te bomai donki tiwai me deli dao. Tiali goli, aga olo te walu tomo daide pila muaibao.

Maika 6:9

Te dago Genuai Bidiba wi homu ebo, te wiegi yai homu kolesaga dao. Genuai Bidigo te Jerusalemba i weyu, te tama po wai, “Dage te taunde bidibo we bidi dabe, dagego odiąo, te dage dene mabo bomo elalubo bidigo wabo po sao,” wai dao.

Kolesaga Koneai Bidigo Pusali Po Elalubo Buku 9:18

Wiegi yai homu kolesagago te boi hwįbo nai aiyaba elalubo dao. Tiali goli, bidi me deligo dolo meni yai kolesaga ebaso, agai te wiegi yai kolesaga hauwa dolobo sę ebo dao.

Tuni Bidi Dabego Po Elalubo Buku Deli 12:31

Te Manase hani me badu pedai te giliga dega sabo badu bidibo hani bidi, te bidi sese umabo 18,000 ami bidi bidai. Te augwa hani dabego digi augwali te Hebronba pelama, te Devit king pedalumainao po obaso, te augwali dąį ilibaso pai dao.

Bomai Po 33:17

Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.

Tuni Bidi Dabego Po Elalubo Buku Deli 7:4

Te hani augwaligo we me wai hauwa elaluai. Tama augwali hani te genuai pedelali, tama te hani dabe nogi asęani sogo, augwaligo nedali te 36,000 bidi te ami bidi pedelabo usu yalio.