Tuni Bidi Dabego Po Elalubo Buku Deli 12:31 - Godigo dwagi yai po buku

³¹ Te Manase hani me badu pedai te giliga dega sabo badu bidibo hani bidi, te bidi sese umabo 18,000 ami bidi bidai. Te augwa hani dabego digi augwali te Hebronba pelama, te Devit king pedalumainao po obaso, te augwali dąį ilibaso pai dao.

Tuni Bidi Dabego Po Elalubo Buku Deli 12:31 Referans Kwoze

Tuni Bidi Dabego Po Elalubo Buku Deli 12:30

Te Efraim hanigo bidi hauwa umabo mu te 20,800 ami bidi bidali. Augwali te wiegi yai ami dabe mu, te augwa deli hani tomode digi te genuai nogi elalualio.

Tuni Bidi Dabego Po Elalubo Buku Deli 12:32

Tama Isakar hanide te ofisa bidi te 200 bidi dali te Isakar hani ami tigidali badi te augwali dologode bidali. Te ofisa dabego homu kolesaga wiegi yai elalu, te mena tiwai nai pedalubo page me koneani, tama te Israel dabego mena tiwai sę yabo me koneai silai dao.

Bomai Po 33:17

Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.