Tuni Bidi Dabego Po Elalubo Buku Deli 12:27 - Godigo dwagi yai po buku

²⁷ Te Jehoiada te Aron hanide tobolu bidi dabede te bidi sese umabo bidi mu te 3,700 ami bidi bidalio.

Tuni Bidi Dabego Po Elalubo Buku Deli 12:27 Referans Kwoze

Tuni Bidi Dabego Po Elalubo Buku Deli 27:17

Te Hasabia, te Kemuelgo ogwago, te Livai hani tonaluai. Tama Sadokgo te Arongo hani tonaluai.

Te Israel me Juda Hani Sigo Tuni Bidigo Po Elalubo Buku Si 25:18

Te bidi Nebusaradan, te bidi aga te Babilon bulude polalubo tobolu gavman ofisa bidi deli da, tama agai te tobolu pris bidi Seraia sali, tama me te Sefanaia me sali, te bidi te Seraia tudi badu bidiyu sę ebo bidi da, tama me te gasa pris bidi sela, te bidi sela te Godigo tempel be tų tonalubo bidi sela dao, te bidi selama, agai kalabus ilali.

Te Israel me Juda Hani Sigo Tuni Bidigo Po Elalubo Buku Si 11:9

Te gavman ofisa bidi dabe augwaligo te pris Jehoiadago te wali po wali peyu, tama te Sabat bodolude augwaligo te sę silali ami soldia bidi dabe augwaligo selama, tama augwali toma tuabo homu ebadi, tama te ami soldia bidi dabe augwali hasegelama, tama augwaligo te sę gagalali, tama augwaligo tigidali te Jehoiada pageba te Genuai Bidigo tempel beba odasa asali.

Te Israel me Juda Hani Sigo Tuni Bidigo Po Elalubo Buku Si 11:4

Tiali goli, te Atalia aga te kwin we nigilama bidibadi, te nogo a olama, me badu nogo si, te kibu be bidali, tialima te pris bidi Jehoiadago agai te gavman ofisa bidi dabebolo, te ami soldia bidi te kwin tonalubo soldia bidi me, te kwingo be tonalubo soldia bidi dabe, augwalibolo e tama po ola tolai. Tama agai augwalibolo e tama po wali, “Dage te Genuai Bidigo tempel beba asiąo,” wali. Te po obaso, augwali teba asai, awe, tama te Jehoiada agai te augwali dali te bomai po mu e tama olama, dąų wali. Agai te po me deli augwali dali polali, tama augwaligo te bomai po mu te Genuai Bidigo nogide polama, tama augwaligo te tigidali sę agai augwalibolo e tama sę yao wabo sę po te wali mu paibao wali. Tama nosali agai te Joas odasa asali, Ahasiago ogwa da, tama te asama, augwalibolo ola magasali.

Tuni Bidi Dabego Po Elalubo Buku Deli 12:26

Te Livai hanigo ami bidi sese umabo te 4,600 ami bidi elaluai.

Tuni Bidi Dabego Po Elalubo Buku Deli 12:28

Tama me Sadok, te gesi ogwa bidi me deli te wiegi yai ami bidi, aga deli hani te 22 bidi dabe dali asalio. Te bidi dabe augwali te ami ofisa bidi dao.