Tuni Bidi Dabego Po Elalubo Buku Deli 11:13 - Godigo dwagi yai po buku

¹³ Me sogo deli aga Devit dali te bulu Pasdamimde bidali, tama te Filistia dabego boi hwįainu sisinani. Te Filistia dabe asobo si da, te Israel dabe wi palio. Te pedai badu te bali gi me deli elaluali,

Tuni Bidi Dabego Po Elalubo Buku Deli 11:13 Referans Kwoze

1 Samuel 17:1

Nosali te Filistia ami dabe te Sokoba sisinagasali, te Juda dabego taun me deli dao. Tama augwali osogo bidabo pesage te Efesdamimde nigali, te Soko taun de Aseka taun si tomode, tama augwaligo te Israel dabe dali hwįainu sisi elaluali.

2 Samuel 23:10

Eleasar aga deli naga te bomo elama dolalu, tama te Filistia dabe ela mubo sę yalio. Tama aga nogo tobalu elama, tama aga nogo te ge hwą poude holalu tolalubo tagalobeo. Te sogo Genuai Bidigo te Filistia dabe aiyaba mu elalualio. Tama nosali, te Israel dabe te Eleasarba ma begasa asali, tiali aga te Filistia dabe ela muani augwaligo suali. Tama sę me deli naga elaluali. Te isali Filistia bidi dabego hwįani doado bage sabo sę elaluali.

Tuni Bidi Dabego Po Elalubo Buku Deli 11:14

tama Devit de Eleasar augwali si te gi tomode dolaluali, tama te Filistia dabe dali hwįbo bomo yali, augwaligo te tǫ sidali weyu yali. Tama augwali sigo te Filistia dabe ela muanio. Te kolesaga yalide Genuai Bidigo te Filistia dabe aiyaba mu elaluama, tama te Israel dabe augwali bugagia bidai dao.