Tuni Bidi Dabego Po Elalubo Buku Deli 1:27 - Godigo dwagi yai po buku

²⁷ tama Tera te Abramgo aya da. Abram nogi gesi me hasegelali, te nogi Abraham dao.

Tuni Bidi Dabego Po Elalubo Buku Deli 1:27 Referans Kwoze

Nehemia 9:7

God, Genuai Bidi, nago naga te Abram dąį ilama, tama aga te Babilon Provinsde, te taun Ur, tede selama, tama aga odasa asali. Tama nago agai nogi hasegelama, tama te nogi Abraham agaba mawai dao.

Josua 24:2

Tama Josuago te tiwai po te tigidali we bidibolo wali, “Te Godigo po, te da Israel dabego Genuai Bidigo po, te tiwai obao, ‘Polobadu mu te dagego wąį dabe augwali te wę Yufretis pedai u badu bidali. Tama augwaligo te tibo godiba lotu po wai. Te wąį me deli nogi te Tera, tama aga te Abraham de Nahor sigo aya dao.

Tigidali Nai Gagalama Nigali Side 17:5

Nago nogi megi te Abram ma wagobeo. Megi nago nogi te Abraham waibao. Magi baso meni, eno nage te umabo hauwa we bidi hanigo wąį monu pedalumainogo ilali. Tama tibaso, eno te nogi nagebolo mobao.

Tuni Bidi Dabego Po Elalubo Buku Deli 1:26

te Reu aga te Serukgo aya, te Seruk Nahorgo aya dao. Tama Nahor te Terago aya,

Tuni Bidi Dabego Po Elalubo Buku Deli 1:28

Abrahamgo ogwa si elaluai, Aisak me Ismael dao.