Tuni Bidi Dabego Po Elalubo Buku Deli 1:17 - Godigo dwagi yai po buku

¹⁷ Siemgo ogwa dabe nogi e tiwai, Elam, me Asur, me Arpaksat, me Lut, me Aram, me Us, me Hul, me Geter, me Mesek dao.

Tuni Bidi Dabego Po Elalubo Buku Deli 1:17 Referans Kwoze

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Esekiel 32:24

“Tama kantri Elam me te bulude naga te elalubao, me te ami bidi dabe te boide isali bidi dabego pesage badu te elalubao. Tama te Elam kantri ami bidi dabego gų pagego te kantri Elam bagua sai elalubao. Te boi bidi dabego te ami bidi dabe boide elai dao. Te Elam dabego wiegi yai kolesaga wali me pai menio. Tama me ma, augwali isisąma ebadi da, augwaligo we bidi hauwa wi emainu ilai dao. Tiali goli, augwali megi da, isai bidi dabego buluba bidigi pali. Tama tibaso, augwali hale dwai mu ebao,” wali.

Esekiel 32:22

“Kantri Asiria aga ami bidi dabego gų page dali te bulude te elalubao. Te boi bidi dabego augwali boide ela silai dao.

Esekiel 27:23

Te taun Haran, me Kane, me Iden, te tama bulu bidi dabego me, te kantri Seba me, Asur me, Kilmat me, te tama bulude te mone sabo bisnis sę ebo bidi dabego nage dali te mone sabo bisnis sę yai dao.

Esekiel 27:10

Te tǫ kantri Persia, me Lidia, me Libia bulu bidi hani dabe, augwali te nago ami bidi dabe bidali. Tama augwaligo te hwįbo sabele dabe, me tobolude mubo kapago nigai madi dabe me, te nago taun bagulali obode walali. Te hani dabe augwaligo te boi hwįnama, nage tau sabo sę eyu, te nago genuai nogi somainu yai dao.

Jeremaia 25:25

te tigidali Simri king dabeba, me te tǫkantri Elam, me kantri Midia dabeba mobadi,

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Aisaia 22:6

Te bulu Elam ami bidi dabego enesigi dali, ene dali si tolasa asaibao. Tama augwali te hwįbo kibu hos, me te hwįbo awa dali tama asaibao. Tama te hanu Kir ami bidi dabe da, augwali te hwįbo sabili dabe dali asaibao.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Godigo Nogi Ugwaba Sabo Tęąbi Po Wabo Buku Dabe 83:8

Siria me te augwali dali sisinani. Te bomai hani augwali te Lotgo hani tau salio.

Esra 4:2

Tama tialima, augwali pelama, te Serubabel me tobolu bidi dabe te Israel deli deli hani bage sugi pelama, tama augwaligo te po wai, “Da te dage dali te Godigo be sę yagasomainu ilao,” po wali. “Dago me te dagego Godiba lotu wabo dao,” po wali. “Tama te Asiria tǫ king bidi Esarhadongo da te e bulu tǫ pedaiba tagala palama bidagasali, te megi e sogoba usu nagasobao, dago te Godiba ofa ebo dao,” po wali.

Israel Hanigo Namba 23:7

Tama Balamgo augwalibolo profet po pusuyu, te po wali, “Balak, te Moap tuni bidigo, ena odasa asai dao. Agai ena Siria bulu oda selama asali, te giliga asobo badu bulu dude, tama ena asali. Agai te po wali, ‘Eno homugo nage aselama, e god dabego te Jekopgo hani bage dolabo po pusagasomainao,’ po wali. ‘Asao, nago te Israel dabeba dwai sę pedalumainogo eyu, nago naga po wao,’ te po wali.

Tigidali Nai Gagalama Nigali Side 14:1

Te Abram aga te Hebron bulude tama bidalubadi, tama te bidi nogi Kedorlaomer aga te bulu Elam gavman tuni bidi dao. Tama Kedorlaomer gavman tuni bidigo te gasa gavman tuni bidi dabe tonaluali. Tama agai augwali tonalubadi, te kibu be nogo si olama, sągą badu si wai, tama sągą badu sela wagi soabo kibu bede augwaligo te Kedorlaomer gavman tuni bidigo po sela sąwani, te takis mone me mabeo. Te tuni bidi dabe e dao, Bera te hanu Sodom gavman tuni bidi da, tama Birsa te Gomora hanu gavman tuni bidi da, tama Sinap te Atma gavman tuni bidi, me Semeber te Seboim tuni bidi, tama te Bela pedai badu gavman tuni bidi me elaluali, te bulu Bela te gasa nogi me Soar elaluai. Tama te bage augwaligo te tuni bidi Kedorlaomer hagela homu eyu, agai po sela sąwani. Tialima, te nogo si olama, sągągo me si me si wabo kibu bede, te gavman tuni bidi Kedorlaomer tuni bidigo te aga abagi solo gavman tuni bidi sela i wali, Amrafel te Babilonia moni tǫ gavman bidi badi, te Ariok te Elesar tǫ gavman bidi, me Tidal te Goim tǫ gavman bidi dao. Te gavman tuni bidi dabe me si me si te augwa ami hwįbo bidi dabe palima, tama augwaligo te hasia bolo te Refaim hani bage dali, te Asterot Karnaim tede boi hwįnama, tama augwali aiyaba elaluali. Te tudibadu augwaligo te Sus hani te Ham tǫde aiyaba elalubadi, te Emgo ami hani bidi dabe te Kiriataim bulu du elalubo tǫde aiyaba elaluali. Tama te Hor dabe tego ami hani augwali te Seir bulu dude elaluama, tama augwali pobasa pidubadi, te Elparan bulu dolo te bidi meni yai buluba tagaligi palio. Nosali augwali begasa peyu, te Kades tǫba pali. Te Kadesgo poloba nogi da te e tama Enmispat wai. Tama augwaligo boi hwįani, te Amalek dabego tigidali tǫ pedai badu te boi hwįnama, te Amalek dabe aiyaba elaluali. Tama augwaligo te Amor hani dabe dali te bulu Hasason Tamar tede hwįnama, tama augwali aiyaba elaluai dao. Te boi hwįani silama da, teda te Kedorlaomer gavman tuni bidi dali, te aga abagi gavman bidi dabe dali, augwaligo te a naga bulu gavman bidi dabe augwali dali hwįgi pali, te hanu dabe nogi e tama da, Sodom, me Gomora, me Atma, me Seboim, me Bela. Te a naga hanu gavman tuni bidi augwa ami bidi dabe dali, augwali te Sidim tǫ malu odogode deliba sisinani. Tama augwaligo te Kedorlaomer dali, te aga gavman tuni bidi sela bage augwali dali boi hwįainu sisi elaluai. Tama te a naga gavman bidi dabego ami bidi dabego te gavman tuni bidi me si me sigo ami bidi dabe dali boi hwįani.

Tigidali Nai Gagalama Nigali Side 11:10

Te e dao te Siemgo wai hani dabe dao. Te genuai wę asali bidama, tama nosali te kibu be si bidai madi, te sogo Siem aga kibu be bidi sese a naga 100 yia elalubadi, tama aga te ogwa me deligo aya pedelali, te Arpaksat ame nani.

Daniel 8:2

Te nade polo tama ena pelama, te bulu tǫ pedai provins Elamba sabolama, tama ena te genuai taun Susa tomode dolaluali. Te taun te masigigo nigai genuai boma pai obo elaluali. Ena te moni ąį gamia nogi Ulai pąde dolaluai.

Dwagi Yai Gesi Po Lukgo Asęani 3:36

Sela aga aya Kainan, Kainan aga aya Arpaksat, Arpaksat aga aya Siem, Siem aga aya Noa, Noa aga aya Lamek.

Tuni Bidi Dabego Po Elalubo Buku Deli 1:16

me Arvat dabe, me Semar dabe, me Hamat dabe, te augwali bulali wąį nǫų Kenan dao.

Tuni Bidi Dabego Po Elalubo Buku Deli 1:18

Arpaksat aga te ogwa Selago aya, te Sela te ogwa Ebergo aya dao.

Tigidali Nai Gagalama Nigali Side 10:21

Tama Siemgo ogomani me elaluali, tama te da te Ebergo hani wąį dabe da. Siem da, te Jafetgo amanu dao.