Luke 3:2 - Molima

² Ta baʼe toluvine diavona edi tuta luvine ʼinaya toveguba qiduqiduadi Anasa be Kaiafa wese itoatoa, ta edi tuta ʼinaya Yaubada ena vona mai Sakalaia natuna Ioni ʼinaya tuta nana diʼwe tomotau geqana ʼinaya toatoa.

Luke 3:2 Referans Kwoze

Viaqa 4:6

Ta wese vaina tomotau maega ivaʼauta ʼidewani toveguba edi tovanugweta Anasa ta wese Kaiafa be Ioni be Alekisana ta wese vaina tomotau Anasa ena gadeyega.

Ioni 18:24

ʼInega Anasa Ieisu ma yoqonina vetunea toveguba edi tovanugweta Kaiafa ʼinaya.

Luke 1:80

Ta gwama nana veqidua ta niboanina wese vewaiwai. ʼInega ana ʼaidega diʼwe tomotau geqana ʼinaya tauya toatoa be ana laba ʼifoqe me Isileli ʼidia.

Ioni 1:23

Ta Ioni edi vetalaʼai veʼiea Aisea ena vona ʼinega vonaya, “Yaʼa bonagu qiduanega yagabagaba diʼwe ʼavaʼava ʼinaya ta yavonavonaya, ‘Kaiwabu ena ʼeda ona givetunuqia!’”

Madiu 26:3

Ta baʼe tuta nana ʼinaya toveguba qiduqiduadi be ʼabaga ana tovanugwetayavo ivaʼauta toveguba edi tovanugweta Kaiafa ena vanuea.

Madiu 11:7

Tuta nana Ioni ana toʼabibodayavo iʼevivi itautauya, ʼinega Ieisu qabu diavona Ioni weaqina simana ʼidia vonaya, “Lova qabumi diʼwe ʼavaʼavaya otauya Ioni sabi noqolina, ta tolaʼai ovonaya be oda ʼitei? Nage otauya taha ʼoloto dawalilina kavona didiala yaqina dayueyuei sabi ʼitana? Ana ʼita gebu.

Maki 1:2

Lova Yaubada ena tovesimasimana Aisea Ieisu Valena maduʼwayavia vonaya, “Baʼe egu tovaletuyana yavetunei nugwenugweta weaqiu be ʼeda naqadalia.