Ioni 6:35 - Molima

³⁵ ʼInega Ieisu vonedi vonaya, “Yaʼa beledi mayawaina, ta ʼeguma taha toga namai ʼiguya ʼinega ge wese nabotana, ta ʼeguma taha toga navetumaqanegu ʼinega ge wese magana naluayahaya.

Ioni 6:35 Referans Kwoze

Veʼita 22:17

ʼInega Niboana Gwalagwalana ta Lami nana ana gabuinoqa ivonaya, “Umai!” Be wese tomeqabu baʼe vona nana inoqolia luaqiaqiedi be ina vonaya, “Umai!” Ta tomeqabu magadi yafaia ina mai, mana yawai goʼilina ina ʼewa kavovoi be ina numa.

Ioni 6:41

Ta ena vona baʼe weaqina me Diu ivetalabeula, mana niʼa vonaya, “Yaʼa tauguna baʼe beledi nana mahalega yawebui mai.”

Veʼita 7:16

Ge taha tuta ʼinaya ina botana nage magadi nakwavuqa, ta ge wese veilaqe nage visiqa ina lobei babaʼau nage vaina yani ʼweaʼweavidi ʼidiega.

Ioni 6:37

Ta tomeqabu Tamagu ena nuanua ʼinega neineigu, taudina ina mai ʼiguya, ta ge wese ena veniʼoledi.

Madiu 11:28

“Ta omiʼa emi ʼonena vitana ona mai ʼiguya be veyawai ena neimi.

Luke 6:25

Ta tomeqabu omiʼa tuta baʼe ʼinaya gamomi kokoya nuakolokolomi, mana nawale botana qiduana ona lobea. Ta wese ʼeguma tuta baʼe ʼinaya odagidagi nuakolokolomi, mana nawale ona nuavita ta ona dou.

Ioni 6:65

ʼInega wese vonedi vonaya, “Baʼe ʼiuna weaqina lova yavonemi ge taha toga ana fata namai ʼiguya ʼeguma Tamagu ge daʼawahaqiaqiea.”

Ioni 5:40

ta tua nawale ge nuanuami ona mai ʼiguya yawai vataya sabi ʼewana.

Ioni 4:15

ʼInega vavine nana Ieisu ʼinaya vonaya, “Kaiwabu, goʼila nana uda neigu, be yaqisa magagu ge naluayahaya ʼevivi, ʼinega ge wese ena ʼevivi mai baʼe salufa nana ʼinaya goʼila sabi goi.”