Iemesa 5:6 - Molima

⁶ Ta wese tomotau tunutunuqidi ta ʼiluʼilumaiqidi otauyedi toluvine matadia ta iluveʼaligidi. Baʼe tomotau diavona ge adi fata be taudiega ida vataʼitaʼiedi, ta ʼesi emi nuenuega ʼaliga ilobea.

Iemesa 5:6 Referans Kwoze

Iemesa 4:2

Emiavo edi kulufa oʼiteʼitedi ta omiʼa wese nuanuami yani diavona, ta ge ami fata ona ʼewedi, ʼinega onuanua sabi luveʼaligidi. Ta yani diavona weaqidi onuanua govaqa qiduana ta ge ami fata ona ʼewedi, e ʼinega emiavo maega oveʼaeʼaetoga be ovevedavi sabi ʼewadi, ta nawale ge oda lobedi, mana ge oda venoqi Yaubada ʼinaya yani diavona weaqidi.

Viaqa 8:32

Ta avo nana niʼau Itiofia ʼoloto nana avoya baʼe ʼidewana vonaya, “Tauna itauyea ʼidewani sifi sabi vunuqina, ta kavona lami vutuvutuna ana todaʼa ʼiawanaya tovolo ta genuʼwana, ta wese ge taha vona daʼifoqe ʼawanega.

Madiu 5:39

“Ta yaʼa yavonevonemi, ʼeguma taha toga ilivu luveifana ʼiuya naviaqia ge nimana una veʼiei. Ta ʼinega ʼeguma togama ʼaeʼaeu navunuqia, ʼinega una awafelei ta wese diʼwenega navunuqia.

Ibeliu 10:38

Aiqabu niʼa ivetunutunuqa mataguya e taudi edi vetumaqanega mayawaidi ina toatoa. Ta aiqabu vita taha taha weaqidi imwaniniva be inogegu, e baʼe taudina weaqidi ge wese ena qaiawa.”

Viaqa 22:14

Ta wese vonegu vonaya, ‘Tubudavo edi Yaubada venuaʼivineu be ena nuanua una alamania, ta Ieisu Tunutunuqina Yaubada matanaya una ʼitea ta ena vona una noqolia.

Iemesa 2:6

Omiʼa tuta qabuna tomotau lukwalukwadi oʼawaʼawa webuiedi. Ta ona nuaveʼavinia, tomeqabu vita ineineimi, lukwalukwadi nage tovekaikaiwabu? Vonahaqiaqi, taudi tovekaikaiwabu vita taha taha ineineimi, ta wese dibuʼiʼimega itautauyemi toluvine matadia sabi vekotumi.

Viaqa 7:52

Tubumiavo tovesimasimana qabudi iveilivu veifedi. Ta tovesimasimana taudi imadusimanea Yaubada ena tofewa tunutunuqina ena mai weaqina wese iluveʼaligidi. Ta tauna niʼa mai ta omiʼa osuluvea ta oluveʼaligia.

Madiu 27:20

Ta toveguba qiduqiduadi be wese ʼabaga ana tovanugwetayavo qabu diavona iluvetuvetunedi ina venoqi Failato ʼinaya be Balabasi nayavui ʼidia ta ʼesi Ieisu ʼaliga nalobea.

Madiu 21:38

“Ta tuta nana natuna ʼifoqe iʼitea ʼinega toʼitamaki diavona ma ediavo iveveqae ivonaya, ‘Emavo, ʼoloto omoʼe maimai tauna kaiwabu nana natu otaqina, ʼinega kana luveʼaligia be yaqisa itaʼa taudega baʼe vaoqa nana kana luvinea.’

1 Fita 4:18

Ta Buki Nugwenugweina ʼinaya simana vonaya, “ʼEguma ʼetoyavua ana loba tufwana vitana taudi aqiaqidi ʼidia, ʼinega maʼoda naʼifoqe ʼaiqa taudi luveluveifadi be ge tunutunuqidi ʼidia? Vonahaqiaqi, ge adi fata ʼetoyavua ina lobei.”