Filimoni 1:21 - Molima

²¹ Ta niʼa yahalamani aqiaqiea egu nuanuayavo yaʼwayavidi leta baʼe ʼinaya una matayagedi, ta wese yahalamania vaina yani aqiaqidi eu nuenuega una viaqidi.

Filimoni 1:21 Referans Kwoze

2 Tesalonaika 3:4

Ta eda Kaiwabu ena givenuahaʼu ʼinega niʼa ahalamani aqiaqiea vonigo omiʼa yani diavona lova avonemi ona viaqidi, e nawale oviaviaqidi, ta tuta maimai ʼinaya wese ona viaqidi.

2 Kolinita 2:3

Lova egu leta ʼinaya me egu nuavita ta wese ma mataelugu vona waiwaina yaneimi. Ta egu leta ʼiuna, mana ge nuagu tauguyega eda wai be oda givenuavitegu egu vona waiwaina ʼimia weaqina, mana omiʼa luaqiaqiemi be ona giveqaiawegu. Ta yahalamani aqiaqiea ʼeguma yaʼa me egu qaiawa qiduana, e ʼinega omiʼa wese oqaiqaiawa.

2 Kolinita 7:16

ʼInega yaqaiqaiawa qiduana weaqimi, mana yahalamani aqiaqiea omiʼa emi viaqayavo qabudi ona viaqidi ilivu tunutunuqina ʼinega.

Galetia 5:10

Ta eda Kaiwabu nuagu niʼa givesimatalia be vonigo ona ʼevivi ʼeda aqiaqina ʼinaya, ta egu veʼita Ieisu Keliso weaqina wese ona ʼabibodedi. Ta toawataya nana venuana magilafu miea ʼimia tauna nawale vematasabu qiduana Yaubada ʼinega nalobea.

2 Kolinita 8:22

Niʼa avonemi iada Taitusi be wese tolugaihi nana iwaiwai sabi vayausimi. Ta wese ʼoloto taha vetoidi avetunea taudi maega iwaiwai ʼimia. Tuta qabuna ena fewa be wese ena viaqa qabudi ʼidiega taunega veʼitayea tauna togwavubiga aqiaqi, ʼinega aʼawahaqiaqiea. Tauna lova ena nuanua be omiʼa me Kolinita naiulemi, ta baʼitagana ena nuanua baʼe weaqina veago vaʼine, mana valemi noqolia ta alamani aqiaqiea emi awafela weaqina.

Loma 2:19

Ta wese taumiega ovonaya vonigo omiʼa ami fata otaqa taudi mali qabu ona vanugwetedi be ʼinega Yaubada ena nuanua ina alamania. Ta wese ovonaya vonigo omiʼa ami fata Yaubada ena ʼeda simasimatalina ona veʼitayea totoa velovelovana ʼidia.