1 Ioni 2:3 - Molima

³ ʼEguma itaʼa Yaubada ena luvineavo kana vematamatayagedi e ʼinega kana alamani aqiaqiea tauna vonigo ia otaqida.

1 Ioni 2:3 Referans Kwoze

Ioni 14:15

“Ta ʼeguma omiʼa oveveyolubegu ʼinega tolaʼai niʼa yavonayedi ʼimia ona matayagedi.

Ioni 15:10

Ta ʼeguma egu luvineavo ona matayagedi ʼinega egu veyoluba tuta qabuna ʼinaya ona toatoa, ʼidewani yaʼa Tamagu ena luvineavo yamatamatayagedi ta ena veyoluba ʼinaya tuta qabuna yatoatoa.

1 Ioni 5:3

Egu vona ʼimia baʼe ʼidewanina mana ʼeguma itaʼa Yaubada kaveveyoluba aqiaqiea, e ʼinega wese ena luvine kana vematamatayagedi. Ta luvine diavona adi matayaga ge vitana, ta ʼesi meaqana,

Luke 6:46

“Ta tolaʼai weaqina oʼawa-Kaiwabuyegu, ta egu vona gebu oda matayagedi?” Ta wese Ieisu vonedi vonaya, “Vona diavona yaveveqaeyedi ʼeguma aiqabu ina noqolidi ta ina viaqidi, e ʼinega taudi ʼidewana taha toʼeyoqona ena vanue nayoqonia ena alamani aqiaqi ʼinega. Nugweta ena avutugu aqiaqina navenuaʼivinia ta wese ena ʼoqola falafaladi ʼidewana agumo naludaʼedi. Ta ʼinega bwaʼobwaʼo aqiaqinaya navetovolodi ta vanue nana nayoqonia.

Ioni 15:14

ʼEguma omiʼa egu luvine ona viaqidi ʼinega omiʼa egwavo.

1 Ioni 4:13

Ta wese niʼa kahalamani aqiaqiea itaʼa Yaubada maega kaveʼaidega katoatoa, ta tauna wese ʼidaya toatoa, mana Niboanina niʼa neida.

Ibeliu 5:9

Ta baʼe ʼeda nana ʼinega Yaubada ʼawahaqiaqiea tauna Toveguba Qiduana ta aqiaqi otaqina. E ʼinega Ieisu ana tomatayagayavo ʼetoyavua vataya ina ʼewea tauna ʼinega, mana tauna ʼetoyavua ʼiuna.

1 Ioni 3:19

Ta ʼeguma edavo kaveveyolubedi eda viaqega, e ʼinega kana alamani aqiaqiea Yaubada ena vonahaqiaqi ʼinaya katoatoa. Ta baʼe ʼinega ada fata be me eda nuadaumwala kana toatoa Yaubada maega.

Ioni 17:3

Ta toa vataya ana alamani baʼe: Vonigo oʼa ina alamani aqiaqieu, mana oʼa au ʼaidega otaqa Yaubada aqiaqi. Ta wese ina alamanigu yaʼa Ieisu Keliso oʼa au vevetune.

1 Ioni 5:19

Ta wese niʼa kahalamania vonigo itaʼa Yaubada natunavo, ta bwaʼobwaʼo ilivuna ana toʼabibodayavo qabudi taudi Seitani ena ʼabiluvine ʼayanaya itoatoa.

1 Ioni 3:14

Ta niʼa kahalamani aqiaqiea itaʼa ʼaliga ena waiwai ʼinega niʼa katoasiʼi ta yawai aqiaqina ena diʼwe ʼinaya katoatoa, mana itaʼa taidavo kaveveyolubedi. Ta ʼesi ʼeguma taha toga taina ge daveyolubea, e ʼinega tomotau nana nawale ʼaliga ena waiwai ʼayanaya toatoa.

2 Kolinita 4:6

Lova Yaubada vonaya, “Simatala, velovelovana qiduana gamonega una simatala!” Ta Yaubada baʼe simatala nana aʼuya giwalidaya ʼinega nuada giqaʼuya, ta baʼe ʼinega niʼa kalamania Yaubada ena simatala aqiaqi otaqina kana ʼitea Ieisu Keliso ʼiawana ʼinaya.

Veʼita 22:14

“Ta tomeqabu adi kaleko kuekuena niʼa iluʼutudi ta ivevauvau otaqa ina qaiawa, mana adi luaqiaqi be yawai ʼaiwena vuaqina ina ʼainia ta wese luaqiaqiedi be ʼabaga nana ana ʼawayavo ʼidiega ina lugu.

1 Ioni 2:13

Omiʼa kaiwabuyavo, baʼe egu vona yaʼwayavia waiwai ʼimia. ʼAbiboda be bwaʼobwaʼo naʼifoqe ta nugweta Keliso toatoa, ta baʼe Keliso nana Toatoa Vatayana niʼau oalamania. Ta kilakaiavo ye, vona baʼe yaʼwayavia waiwai ʼimia, mana omiʼa toluveifana niʼau ovewaiwai vaʼinea. Natugwavo ye, egu vona baʼe yaʼwayavia waiwai ʼimia, mana omiʼa Tamada Yaubada oalamani aqiaqiea.

1 Ioni 3:6

ʼInega tomeqabu Keliso maega niʼa iveʼaidega ge daluaqiaqiedi be luveifana ina viaqidi. Ta ʼeguma luveifana nawale iviaviaqidi, e ʼinega taudina nuadi nawale ge daʼeqaʼuya Keliso weaqina tauna togama.

1 Ioni 4:7

Egwavo, qabuda kana veyolubeda, mana Yaubada veyoluba ʼiuna. ʼInega tomeqabu mali tomotau iveveyolubedi, e taudi Yaubada natunavo, ta wese taudi Yaubada ialamani aqiaqiea.

1 Ioni 5:2

Maʼoda ʼinega kana alamani aqiaqiei ʼeguma itaʼa Yaubada natunavo kaveveyoluba aqiaqiedi? Ada fata kana alamani aqiaqiea ʼeguma Yaubada kaveveyolubea ta wese ena luvineavo kavematamatayagedi.

Veʼita 12:17

ʼInega mwata wese diana vilevilea qiduana vavine dina ʼidia ta ʼifoqe tauya tubudiavo sabi luaviadi, taudi Yaubada ena luvineavo ivematamatayagedi ta wese Ieisu ena vonahaqiaqi ikafiʼiʼihia.

Veʼita 14:12

Ta tomeqabu Ieisu ivetumaqanea ta Yaubada ena luvineavo ʼinaya itovoloʼiʼita, e taudi ena tomotauyavo, ta me edi bibitaqo ina toatoa ʼeguma baʼe yani diavona naʼifoqe ʼidia.”