1 Ioni 2:14 - Molima

¹⁴ Kaiwabuyavo, egu vona baʼe yaʼwayavia waiwai ʼimia. ʼAbiboda be bwaʼobwaʼo naʼifoqe ta nugweta Keliso toatoa, ta baʼe Keliso nana Toatoa Vatayana niʼa oalamani aqiaqiea. Kilakaiavo ye, egu vona baʼe yaʼwayavia waiwai ʼimia, mana omiʼa Keliso ovetumaqana aqiaqiea ta ʼinaya otovoloʼiʼita. Yaubada ena vona ʼimia ʼenoʼeno, ta toluveifana ovewaiwai vaʼinea.

1 Ioni 2:14 Referans Kwoze

1 Ioni 2:13

Omiʼa kaiwabuyavo, baʼe egu vona yaʼwayavia waiwai ʼimia. ʼAbiboda be bwaʼobwaʼo naʼifoqe ta nugweta Keliso toatoa, ta baʼe Keliso nana Toatoa Vatayana niʼau oalamania. Ta kilakaiavo ye, vona baʼe yaʼwayavia waiwai ʼimia, mana omiʼa toluveifana niʼau ovewaiwai vaʼinea. Natugwavo ye, egu vona baʼe yaʼwayavia waiwai ʼimia, mana omiʼa Tamada Yaubada oalamani aqiaqiea.

Kolose 3:16

Ta wese tuta qabuna vona qabudi Keliso ʼinega giwalimia ona aʼudi, ʼinega Yaubada alamani aqiaqina naneimi. Ta alamani nana ʼinega emiavo ʼaidega ʼaidega ona veveʼitedi ta ona lulugaihidi, ta taudi wese ʼidewani ina viaqia ʼimia. Ta me emi qaiawa ona ʼevosi Yaubada ʼinaya Buki Same ʼinega be, Buki ʼEvosi ʼinega ta wese vaina ʼevosi vauvaudi tafwalolo weaqina ʼidiega. E baʼe ʼevosi diavona qabudi Niboana Gwalagwalana ena iula ʼinega.

Ioni 15:7

ʼEguma omiʼa yaʼa maega katubwe aqiaqi katoatoa, ta wese egu vonayavo itubwe omiʼa maega, ʼinega ami fata yani taha taha weaqina ona venoqi, ta yaʼa emi venoqi nana ena veʼiea ʼimia.

Efeso 6:10

Egwavo, egu veʼita ana ʼebeluʼovoa baʼe: Eda Kaiwabu ena waiwai qiduana ʼinega ona vewaiwai.

Ioni 8:31

ʼInega me Diu ʼidiega tomeqabu Ieisu ivetumaqanea taudina ʼidia vonaya, “ʼEguma egu veʼita tuta qabuna ovelumatamatayagedi, ʼinega omiʼa agu toʼabiboda aqiaqi.

Ioni 5:38

ta wese ena vona giwalimia ge daʼenoʼeno, mana ge oda vetumaqanegu vonigo yaʼa Yaubada ena luvetune ʼinega yamai weaqimi.

Veʼita 2:7

ʼInega ʼeguma taha toga Niboana Gwalagwalana ena vona ʼekalesia ʼidia nanoqolia, e ʼinega tomotau nana luaqiaqiea be baʼe vona diavona adi alamani nasali aqiaqiedi. Ta tomeqabu ilivu luveifana ina vewaiwai vaʼinea, e taudi ena awafeledi be Yawai ana ʼAiwe vuaqina ina ʼainia, ta ʼaiwe nana tovotovolo Yaubada ena vaoqa ana wawa Faladaisi ʼinaya.

3 Ioni 1:3

Lova vaina tovetumaqana baʼidia imai ta iveluluʼuya oʼa weaqiu maʼoda Yaubada ena nuanua uʼabiboda aqiaqiea. Ta baʼe ʼinega igiveqaiawa otaqigu, ta wese isimana ʼiguya oʼa vonahaqiaqi ana ʼeda ʼinega utautauya.

2 Ioni 1:2

mana Yaubada ena vonahaqiaqi omiʼa be yaʼa giwalidaya ʼenoʼeno, ta baʼe vonahaqiaqi nana ʼidaya ʼenoʼeno vatayana.

Ibeliu 8:10

Ta yaʼa Kaiwabu, nawale ʼaubena nana ʼinaya luvine vauvauna ena viaqia me Isileli maega. Ta egu luvineavo ena aʼuya nuadia, ta wese giwalidia ena ʼwayavia. ʼInega yaʼa edi Yaubada, ta taudi egu tomotauyavo.

Kolose 1:11

Ta wese avevenoqi weaqimi Yaubada nagivewaiwaiemi tauna ena waiwai qiduanega, be yaqisa tuta nana vita taha taha ina ʼifoqe ʼimia ge ona lugwavuʼai ta ʼesi ona bibitaqomi. Ta nuanuama ona qaiawa

2 Timoti 2:1

Natugu Timoti ye, oʼa Ieisu Keliso maega, ʼinega ena nuakolokoloyega una vewaiwai.

Filifai 4:13

ʼInega yani qabuna agu fata, mana Yaubada ʼinega tuta qabuna waiwai yaʼeweʼewea.

Veʼita 2:3

Ta wese me emi bibitaqo fewa vitavitadi ta qiduqiduadi oviaqidi agu wawa weaqina, ta ʼidiega ge oda dawalili.

1 Ioni 1:10

Ta ʼeguma taudega kana vonaya vonigo itaʼa ge taha luveifana kada viaqia, e ʼinega itaʼa Yaubada kaveʼewea vonigo tauna touʼava. Ta baʼe vona nana ʼinega Yaubada ena veʼita aqiaqi ge kada ʼawahaqiaqiea ta veʼita nana giwalidaya ge daʼenoʼeno.

Ioni 8:37

Niʼa yahalamania omiʼa Ebelamo tubunavo. Ta tua niʼa oʼivaʼavaʼata sabi luveʼaligigu, mana egu vona ge taha ena ʼebeʼenomo giwalimia.

1 Ioni 1:1

Yaʼa ta wese tovaletuyana qabudi maega avevematamagilafuyemi taha toga Valena weaqina. ʼAbiboda be bwaʼobwaʼo naʼifoqe, ta tauna nugweta toatoa. Baʼe Vale nana imaʼa niʼau anoqolia ta matamega aʼitea, ta wese nimamega agitonovia. Tauna Yaubada ena Vona, ta baʼe Vona nana Vona mayawaina.