1 Ioni 2:12 - Molima

¹² Natugwavo ye, egu vona baʼe yaʼwayavia waiwai ʼimia, mana emi luveifanayavo Yaubada niʼa nuataqodi Ieisu ana wawega.

1 Ioni 2:12 Referans Kwoze

Viaqa 10:43

Yaubada ena tovesimasimana qabudi ivona vataya Ieisu weaqina vonigo tomeqabu ina vetumaqana ʼinaya edi luveifana nanuataqodi ana wawega.”

Viaqa 13:38

ʼInega omiʼa taigwavo, ona alamani aqiaqiea vonigo ʼoloto nana tauna Ieisu ʼinega emi luveifayavo adi nuataqo ona lobea.

Efeso 1:7

Ta Natuna sulalinega gubaufeda eda luveifayavo ʼidiega ta nuataqoda, mana tauna ena nuakolokolo qidua vaʼinena neida, ge ana fata be kana ʼetolivei. Ta yani baʼe viaqia ena alamani qidua vaʼinena ʼinega, mana niʼau alamani aqiaqiea toyani ada luaqiaqi.

Viaqa 4:12

ʼInega ge taha toga wese ana fata naʼetoyavuida ta ʼesi Ieisu ana ʼaidega. Mana ge wese taha wawa bwaʼobwaʼoya daʼenoʼeno be ʼinega ʼetoyavua kana lobei.”

Kolose 1:14

Ta Natuna sulalinega gubaufeda ta wese tauna ʼinega eda luveifana qabuna nuataqodi.

1 Ioni 1:7

Ta ʼesi ʼeguma Yaubada ena simatala ʼinaya katoatoa ʼidewani taunega wese ena simatala ʼinaya toatoa, e ʼinega itaʼa ma edavo kaveveiaiana aqiaqi. Ta Ieisu Yaubada Natuna sulalinega givevunavunaqida luveifana qabudi ʼidiega.

1 Ioni 1:4

Baʼe yani diavona weaqina aʼwayaʼwayavidi ʼimia be yaqisa omiʼa be imaʼa kana qaiawa, e ʼinega eda qaiawa naveqidua vaʼine.

Luke 24:47

ʼinega ana wawega ina veʼale Vale Aqiaqina ina lugaihiea Ielusalema ʼinega be diʼwe qabudi bwaʼobwaʼoya ʼidia, be tomeqabu ina nuagivila e Yaubada edi luveifana nanuataqodi.’

Luke 5:20

Ta Ieisu toʼavala dina edi vetumaqana ʼitea, ʼinega tovevihiqa nana voneaya, “Iagu, eu luveifayavo niʼa yanuataqodi.”

1 Ioni 2:21

ʼInega egu leta baʼe ge eda ʼwayavia ʼimia sabi veʼitami vonahaqiaqi weaqina, ta ʼesi yaʼwayavia ʼimia mana Yaubada ena vonahaqiaqi niʼa giveʼifoqeyea ʼimia. Ta wese leta nana yaʼwayavia ʼimia, mana omiʼa niʼa oalamani aqiaqiea toʼeuʼauʼava edi veʼita luveifana ge wese daʼifoqe veʼita tunutunuqina ʼinega.

1 Ioni 2:7

Egwavo, luvine vauvauna weaqina ge eda ʼwayaʼwayavi ʼimia, ta ʼesi luvine nugwenugweina lova omadunoqolia tauna yaluʼeviviea, ta luvine nana niʼau oalamania, mana Yaubada ʼinega ʼifoqe.

1 Ioni 2:1

Natugwavo ye, emi leta baʼe yaʼwayavia waiwai ʼimia be yaqisa ge taha luveifana ona viaqidi. Ta ʼeguma taha toga ʼidega luveifana naviaqia, e ʼinega wese taha toga tunutunuqina navenoqi ana nuataqo weaqina Tamada Yaubada matanaya, e baʼe taunana Ieisu Keliso.

1 Ioni 1:9

Ta ʼesi ʼeguma eda luveifanayavo kana simana ʼifoqeyedi Yaubada ʼinaya, e ʼinega tauna luveifa diavona naʼewa yavuledi be nanuataqoda, ta wese naʼawatunutunuqeda. Tauna ana fata baʼe yani diavona naviaqidi, mana tauna ma ana vetumaqana ta wese tauna Toluvine tunutunuqina.

Efeso 4:32

Ta ʼesi taumiega ma emiavo ona veyolubemi nuakolokoloyega, ta tomotau ʼekalesia gamonaya edi luveifana ona nuataqodi, ʼedewana Yaubada emi luveifayavo Keliso ʼinega niʼau nuataqodi.

1 Kolinita 6:11

Lova omiʼa vaimi wese baʼe ilivu diavona oviaqidi, ta baʼitagana luveifa diavona Keliso ʼutuyavuledi ʼimiega ʼinega vunavunaqimi. Ta eda Kaiwabu Ieisu Keliso be wese Yaubada Niboanina edi viaqa ʼidiega niʼa ovetunutunuqa Yaubada matanaya.