St. Mark 16:9 - Neh Nase Tsi Shokȣatakȣen 1880 (4 Gospels by Joseph Onasakenrat)

⁹ Aȣententaonke kati shotonnheton ne Iesos: On-ȣari-ȣatere neh ne tsiatak nishatekȣatenni nʼotkon neh tontierente sahoken.

Ne Saint Mark 1774

⁹ Nòewa ne onea Jesus shotketskweah nà‐ah agwagh Orhònkeghtsy ne Tyodeghniseratyèreagh?-?douh Sahheandeàndáne, sahhoewàkea dontyèreaghde Mary Magdalene, aouhha‐tseràgouh shayadinne?-?keahhouh tsyàdaghk Oneghs‐hoerónoe.

Ohiatonhseratokénti

⁹ Aȣententaonke kati shotonnheton ne Iesos: Onȣariȣatere neh ne tsiatak nishatekȣatenni nʼotkon neh tontierente sahoken.

St. Mark 16:9 Referans Kwoze

Luke 8:2

Tohka oni nikonti tsiohnatonȣisen nehne sesakotsienton tsi ionatiennine notkonseraksen oni sekon tikannratesonha; neh eh kontiiatare nʼOnȣari konȣanatonkȣakȣe ȣari-ȣatere nehne tsiatak niiotiennine nʼotkon.

John 20:12

Nok eh ȣahakoken Tenironhiakeronon kenrakenseroskon ronastston, nistskȣahere saiatat tsi rakon-hentakȣe, nok saiatat tsi iatehasitaientakȣe ne Iesos.

St. Mark 15:47

Nok nʼOnȣari-ȣaritere tanon Onȣari Sose ronistenha tekenikaneratie tsinonȣe iahahien.

Luke 24:10

Onȣari-ȣatere, tsiann, tanon Onȣari Sakronistenha ne skontiriȣenhaȣine oni saiakotirori neh nekarihotens ne Iesos Ratikȣekonne.

Matthew 27:56

Eh kontiiatarakȣe ne Saritere nok ȣari sak tanon Sose sakotinistenha, oni Zepedé sakotinistenha.

St. Mark 15:40

Tsionathonȣisen oni isih niiore tetkontikanerakȣe, neh eh kontiiatarakȣe Onȣari-ȣatere, nok Onȣari Sak niraha ronistenha tanon ne Sose, nok Salome.

St. Mark 16:8

Oksaok tontakontonneke, nok sakonteko … Akȣa tokensko tsi ȣahonateronhienten: iah neneh onka teiakotirori tsini ionateronhientenni.