John 8:58 - Ne Saint John 1804

⁵⁸ Jesus wahshakawenhaghse, togenske, togenske wakwaghròri, arekho Abraham tekenghne, iih nʼyare ike,

Ohiatonhseratokénti

⁵⁸ Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sikenakere.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵⁸ Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sike-nakere.

John 8:58 Referans Kwoze

John 17:5

Ok onen nonwa, Rageni, agwagh ise takegloriste, ne ne gloria ne enskatne yonkeniyendaghkwe arekho tsi yoghwhentjade.

John 17:24

Rageni, ikeghre oni nene rononha ne waskyongwedawigh etho enhoneseke tsi-ikese: nene aontehonderighwatkaghtho akgloria nene waskwawigh: iken onen tsitakenoronghkwa arekho tsi-yodoghwhentjadaghsawen.

John 8:51

Agwagh togenske onwe, togenske wakwenhaghse, togat nonken ne rongwe aontahhoyenàwa-gonhek tsiniwakerihhòten, yagh nonwenndon tʼenhatkaghthon ne kenhheyàten.

John 8:34

Jesus téntahhariwàghseràgon, agwagh togenske onwe wakwenhaghse, onghka kiok rarighwanneraks ne naah ronwanhase ne karighwanneraksera.

John 8:24

Ne kadi wahhòne wakwenhaghse, sewarighwannerakseragon ensewenhheye; iken togat nonken yaghten aonteseweghtaghkon tsi iih naah nʼetho; ensewenhheye sewarighwannerakseràgon.

John 8:28

Ethone Jesus wahshakawenhaghse, neonen ne enghtsisewayadakaradadde ne rongwe ronwaye-ah, ethone ensewaderyendarake tsi iih naah nʼetho, ok oni tsi yagh ogh ten katyerhà nene akonha-on; ok denghnon tsinihakerighhonyen ne Rakenihha, tekewenninnegen-on hatye ne ken tsini karihhòtense.

John 10:25

Jesus tentahhariwaghseragon, kwaghròri se, ok yaghten teseweghdaghkon: tsini kayòderigh-seròtense nene katyerha ne raoghsennagon ne Ragennihha, ne yonkerighwaghniratse.