John 6:70 - Ne Saint John 1804

⁷⁰ Jesus saghshakawenhaghse, yagh ken ten kwayadaragwen tekenisenire, ok shayàdat tsinitsyon oneghshonghrònon naah?

Ohiatonhseratokénti

⁷⁰ Tontahenron ne Iesos: iah kenh naha ii tekȣaiatarakȣen ne tekeni iaȣenre Nitsion? nok sane sekon saiatat akȣa ranessonronon.

Neh Nase Tsi Shokȣatakȣen 1880 (4 Gospels by Joseph Onasakenrat)

⁷⁰ Tontahenron ne Iesos: iah kenh naha ii tekȣa-iatarakȣen no tekeni iaȣenre Nitsion? nok sane sekon saiatat akȣa nonessonronon.

John 6:70 Referans Kwoze

John 13:27

Ok oghnagenge tsiròkon, Satan wahhodaweyaden. Ethone Jesus walihawenhaghse tsini sen-yende, serighwagnsnòrat.

John 13:2

Onen kadi tsi rodihkwennda-on, ne onegh-shonronon onen tsiroweyennenda-on ne Raweryaghsagon ne Judas Iscariot, nene enhonikonghràsere.

John 17:12

Aghson oghwhentjage yeyakwesgwe, saghsennagon tsi keyenawàgon, rononha nene waskwàwigh ok onen tsi keyenawàgon, ok yagh onghka tsini hadi ten honadyadaghtonden, neok raonha-on ne waghtonden ronwayen; nene aontakarighwayerine ne kaghyadonghseradogenghti.

John 13:18

Yagh ne ten kwaghtharaghkwen sewagwegon; kheyenderi tsinihadi keyadaragwenni; ok nene kaghyadonghseradogenghti, aontekarighwayèríne, Raonhha nene teyakyadonts kanadarohk tsi kideron, ok teyodasharàtegh rakwasenghtani.

John 6:64

Ok oddyake tsinitsyon, nene yaghten teseweghdaghkon. Iken Jesus tsidyodaghsawen tsiroderyendare, tsinihadih ne yaghten tehoneghdaghkon ok oni raonha nene enhonigonghràsere.

John 15:19

Togat nonken ongweghne aontesewayadare, enyenoronghkwake ne ongwe nene akòwenk, ok ne aoriwa tsi yagh ongweghne ten sewayàdare, ok ne kwayadaragwènni ne ongweghne, ne kadi wahhoni ne ongwe yetshighswense.

John 15:16

Yagh ise teghsgwaragwènni, ok Iih denghnon kwaragwenni oni wakwanghhondàne, nene aontesewaghdendi oni aontesewaghyaniyondhak, oni ne sewahhihk aontekarighwadatye: nene tsiok nahhoten enghtsisewarighwanèkhen ne Ranihha iih aksennagon, aonteghtsisewàwi ne etho.

John 13:21

Neonen Jesus etho nihoyèren, wahharonghyagen raonigonragon, ok tahhàrighwatròri rawen, Agwagh togenske, togenske wakwenhaghse, nene sʼhayadat tsinitsyon enhakenikonghràsere.

John 8:44

Ise naah ne eghtsisewanihha ne oneghshoghronòn, ok tsini haghskàneks eghtsisewanihha etho nʼensewàyere, nene shakoryohs tsinahhe tʼyodaghsawen, ok yaghte iresgwe ne togenfketseragon, ne wahhoni yaghten karìware ne togensketsera raonhatseragon. Ne onen ranowenghten, ethone tehawenninnegens tsini horihòten: iken ronowen, ok ne yaweght rodewedon nʼeghnahhoten.

John 2:2

Jesus ok oni ne raotyoghkwa egh oni ronwadighnonken tsi yakodènnyode.

John 6:67

Ethone Jesus wahshakawenhaghse ne tekenishadire, eren ken oni enseweghde nʼise?

John 6:71

Ne roghtharaghkwen ne Judas Iscariot, ne Simon roye-ah; iken raonha naah nene aontah-honigonghràsere, rayàdare se ne tekenishadire.

John 20:24

Ok denghnon Thomas shayadat tsinihadi ne tekeniyawenri, nene Didymus ronwayats, yagh wadògen ten hadiderondaghkwe Jesus tsi wahhayon.