N ni tɔɲa beeyareŋɛ fɔ wo ye, min ka n na kuma mɔɛ, a ka a bita, a dɛnkɛnɛyata n Kiila ma, abada kise be wo tigi ye. A te bɛn kiite ma. A ɲan bata bɔɔ bɔnɛ tɔ, ka don kise tɔ.
Wo hakkili to n na kuma ma n ka min fɔ wo ye, n ko: joŋɛ ma fisa a tige ko. Anu to bata kiti nde ɲagankata koe la, anu si wole tugun ɲagankata le. Kɔnɔ ka anu be nde la kuma labaturen, anu si wole tugun tɛŋɛ labatu le.
Hali wolo mu, wo bele a lɔnden, kɔnɔ nde ka a lɔn. Ka n ka a fɔ n ma a lɔn, n bata ma foniya fɔlá la, iko wole. Kɔnɔ nde kan ka a lɔn, n mɛn be a la kuma bitala.
Yahudenu ka a jaabi, anu ko: «Mɔ bata a lɔn kɔtɛ jinna le be i bolo. Iburahima fagata, nabiyonmɛ doenu tugun fagata. Ile nɔn be a fɔla aa ka mɔgɔ min ka i la kuma bita, aa a te faga sɔtɔ muku.
Isa ka a jaabi, a ko a ma: «Min tini n kanu, wo tigi si n na kuma labatu le, n Baaba tugun si a kanu le. Mɔ nun n Baaba si na le wo tigi dula, mɔ ni sabati a bata.