Yaya 7:15 - Ala la kitabuenu Mɔgɔfin kuma tɔ

¹⁵ Wo butɔ, Yahudenu kaabɛta, anu ko: «Kɛ kaye karamɔgɔ to bele, a ka sɛbɛre lɔn kama le?»

Yaya 7:15 Referans Kwoze

Luki 4:22

Awa, mɔgɛ bɛ tota a tɔgɔ ɲinma fɔla, anu kaabɛta a la kuma diyama ma, min be bɔɔla a da tɔ. Anu tota a fɔla: «Bɔ, Yusufu la den kayireŋɛ ma kɛ la ba?»

Kiilanu 26:24

Awa, Pɔlu to be a fan kunma fɔla wo la, Fɛsitu ka a kulɛ mayɛlɛ, a ko: «Pɔlu, i be fatiyaren de! I la kitabu karaŋɛ banba bata ma i ye fatiya la.»

Yaya 7:46

Kɔsɔbilenu ka anu jaabi, anu ko: «Ee! han bi mɔgɔ yo ma kuma iko wo kaye.»

Luki 2:47

Min bɛ be a kulɛ mɔɛla, anu kaabɛta a la hakkilimaya nun a la jaabirenu ma.

Yaya 1:19

Lun do, Yahude kuntigenu ka sarika lakela donu kii anun Lewi bɔnsɛ kaye donu bɔɔla Darisalamu, anu ni Yaya maɲininka, ale mu min na. A ka seedeɲɔgɔya min bɔɔ wo tɔ, wolo mu kɛ la.

1 Samiyɛli 10:11

Minnu bɛ ka a fɔlɛ lɔn nun, anu naata a yen a be Ala la kiila lakela nabiyonmɛnu tɛma, anu tota a fɔla ɲɔgɔn tɛma, anu ko: «Bɔ, fen de be Kisu la den kayireŋɛ masɔtɔren? Ale Sayulu tugun be nabiyonmɛnu ɲaama ba?»

Yaya 7:11

Wo butɔ, Yahude kuntigenu be a ɲinila sale tɔ, anu be a fɔla: «Ale kaye be mina?»

Yaya 7:13

Kɔnɔ mɔgɔ yo ma kuma do fɔ a la ko tɔ kɛnɛ tɔ, bayi anu be kilanden Yahudu kuntigenu la.

Kiilanu 4:13

Kuntigenu to be Piyɛri nun Yaya la limaniya yenden, a mɛn anu ka lɔn sɔtɔ a ma wonu mu karanbale mɔgɔ tun de la, anu be kaabɛren. Wo kɔma, anu ka a talɔn, wonu nun Isa le tota ɲɔgɔn na.