Yaya 6:24 - Ala la kitabuenu Mɔgɔfin kuma tɔ

²⁴ Awa, wo mɔgɛnu to ka a lɔn, Isa nun a la talibenu bele ɲɔ, anu mɛn tabakkita kuluŋɛnu tɔ, tagala Isa ɲinidula Kapɛrinamu saa tɔ.

Yaya 6:24 Referans Kwoze

Yaya 6:17

anu jigita kuluŋɛ butɔ, anu tagata. Anu taga tɛmuɛ, anu be katala tɛgɛ koe la ba kɔkɔma, tagala Kapɛrinamu. Dibe bata ban jigila, wo ka a taran Isa ma ke anu ma betunna.

Yaya 20:15

Isa ka a fɔ a ye: «N na, i be dila fenna? I be ɲɔmɔ ɲinila?» Kɔnɔ a be toren muse ye, suntu kantalá le mu. A ka a fɔ a ye: «Baaba, ka ile le ka a fure jigan yan, i be a saren ka min na, i ni ɲɔ yita n na, n ni taga a jigan ɲɔ.»

Yaya 7:11

Wo butɔ, Yahude kuntigenu be a ɲinila sale tɔ, anu be a fɔla: «Ale kaye be mina?»

Yaya 6:59

Isa ka kɛ koenu fɔ, a be mɔgɛnu kawandila wagate min tɔ Yahudenu la kawandi ma boŋɛ tɔ Kapɛrinamu saa tɔ.

Yaya 6:23

Wo ka a taran, kuluŋɛ do gbɛtɛnu tagata bɔɔla Tibɛriyadi saa tɔ, anu keta dula tɔ, Marige Isa ka Ala tantu ka min na, mɔgɛnu mɛn ka dɛgɛ dɔmɔ dula min tɔ.

Luki 8:40

Isa ka a kɔ sɔ saagila Galile duge tɔ. Jama min be a kɔnɔnden ɲɔ, wonu bɛ nata a labɛndula.

Yaya 6:26

Isa ka anu jaabi, a ko: «N ni tɔɲa beeyareŋɛ pɔsi fɔ wo ye, wo be n ɲinila le bayi wo bata dɛgɛ dɔmɔ han wo fata. Wo bele n ɲinila n na kabanakoenu le la ko la de!