Yaya 18:33 - Ala la kitabuenu Mɔgɔfin kuma tɔ

³³ Pilati mɛn donta a la mansa boŋɛ butɔ, a ka Isa makele. A ka a maɲininka, a ko: «Ile le mu Yahudenu la mansa la ba?»

Yaya 18:33 Referans Kwoze

Yaya 19:12

Kabɔɔ wo tɛmuɛ ma, Pilati ka a boloka fɛrɛ ɲini, kɔnɔ Yahudenu ka sɔnkɛ layɛlɛ, anu ko: «Ka i ka kɛ kaye boloka, Rɔmu mansa banba kanunteŋɛ ma ile la. Bayi min yo be a yɛtɛ mala mansa la, Rɔmu mansa banba jague le mu wo tigi la.»

Yaya 19:3

Anu tota anu madonna a la, anu ko: «Yahudenu la mansa, i mama!» Anu tota a bantilanna.

Yaya 18:37

Pilati ka a fɔ a ye: «Yaga, mansa le mu i la?» Isa ka a jaabi, a ko: «Ile yati bata a fɔ, ka a fɔla mansa le mu n na. N nata dunuya, alako le n ni ma tɔɲa seede la, iyon, n sɔtɔta wolo la. Min bɛ be tɔɲa fɛ, wonu si anu tolomasɔ le n na kuma la, ka a bita.»

Yaya 12:13

Wo butɔ, anu ka tugu pɛnsɛnu jigan, anu tagata a labɛndula. Anu tota sɔnkɛ layɛlɛla, anu ko: «Tantue be malakisilá ye! Barikɛ be mɔgɛ ye, min be naren Marige tɔgɛ la! Barikɛ be bani Isirayila mansa ye!»

Yaya 19:9

A mɛn tadonta boŋɛ tɔ tugun, a ka a fɔ Isa ye: «I be bɔɔren mina le?» Kɔnɔ Isa ma jaabire yo dii a ma.

Yaya 12:15

«Wole Siyɔn kaanu, wo kana kilan. Wo la mansa le be nala ka. A be sigiren sofale muse la deŋɛ kunma.»

Yaya 1:49

Wo butɔ, Natanayeli ka a fɔ a ye, a ko: «Karamɔgɔ, ile mu Ala la den kayireŋɛ le la, i mu bani Isirayila mansa le la.»

Luki 23:2

Anu la kereŋɛ ɲɔ, anu bakkuta Isa tɔɲɛgɛ koe la, anu ko: «Mɔ bata a taran kɛ kaye be mɔ la jamanɛ mɔgɛnu yɛlɛmanna, a be a fɔla anu ye aa anu kana duute dii Rɔmu mansa banba ma, a ko aa ale yɛtɛ mu mansa masubɛreŋɛ le la.»

Yaya 18:34

Isa ka a jaabi, a ko: «Ile yɛtɛ le be wo miraren ba, ka mɔgɔ donu le be n na ko fɔren i ye?»

Yaya 18:38

Pilati ka a fɔ a ye, a ko: «Fen mu tɔɲa la?» Pilati to banta wo fɔla, a mɛn tabɔɔta bara tɔ, a ka Yahude kuntigenu taran, a ka kuma fɔ anu ye: «Nde ma fenfen koron yen kɛ kaye la, a si makiiti min na.

Yaya 19:4

Pilati mɛn tabɔɔta bara tɔ, a ka a fɔ jama ye: «N be a labɔɔla le wo ye, alako wo ni a lɔn ka a fɔla, n bele fenfen koron yenden kɛ kaye la, a si makiiti min na.»