Yaya 16:33 - Ala la kitabuenu Mɔgɔfin kuma tɔ

³³ N be kɛ koenu fɔren de wo ye, alako wo ni jususa sɔtɔ nde sabu la. Wo si naa tɔɔrɔ le dunuya, kɔnɔ wo limaniya, nde bata dunuya nɔ.»

Yaya 16:33 Referans Kwoze

Yaya 14:27

N be jususa tola wo bolo kɔtɛ, min be fatanden nde la. Wo jususa bele fatanden dunuya la. Wo juse kana bɔɔ, wo kana kilan.

2 Tesaloniki 3:16

Awa, jususa tige Marige yɛtɛ ni wo juse sa tɛmuɛ bɛ tɔ, a mɔɔle bɛ la. Marige ni to wo bɛ fɛ.

Filipi 4:7

Wo butɔ, Ala si a jususa dii wo ma. Mɔgɛ si a hakkile sigi fenfen ma, wo jususa fisa a ko pon! A si wo jusu butɔ koe nun wo la mira bɛ makanta, anu ni to Ala la mɔgɔ masubɛreŋɛ Isa le ma.

1 Piyɛri 5:9

Wo ni sɔ dɛnkɛnɛya kɔma pen, wo ni kata alako a kana nɔ sɔtɔ wo ma. Wo ka a lɔn, wo dɛnkɛnɛyaɲɔgɛ minnu be dunuya butɔ, anu bɛ be tɔɔrɔren kɛ ɲagankata mɔɔle le la.

Yaya 14:1

Isa ka a fɔ a la talibenu ye: «Wo juse kana bɔɔ. Wo dɛnkɛnɛya Ala ma, ka dɛnkɛnɛya nde tugun ma.

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

1 Tesaloniki 3:7

Wo butɔ, n nɛɛnɛdɔndɛnu, hali mɔ to be ɲagankata nun tɔɔrɛ tɔ, mɔ bata limaniya wo la ko la, wo la dɛnkɛnɛya sabu la.

1 Tesaloniki 3:4

Kaa, mɔ ɲan ma a fɔ le nun wo ye mɔ be wo ɲaama tɛmuɛ min tɔ nun, mɔ ko mɔgɛnu si naa le wo mɔ ɲagankatadula? Awa, wo bata a yen kɔtɛ, wolo bata naa ma.

Kiilanu 27:25

Wolo mu, n tagamanɲɔgɛnu, wo ni limaniya: n be laaren Ala la ka a fɔla a si ma le, iko a fɔta n ɲɛ ki min na.

Kiilanu 9:31

Wo wagate, dɛnkɛnɛyabaga jama minnu be Juda nun Galile nun Samari duge bɛ tɔ, anu bɛ tota jususa tɔ. Anu sɛnbɛ be koloyala, anu be tagamanna Marige la ɲalakilaŋɛ la, Ala Hakkili saniyandeŋɛ la dɛmare ka a ma anu tota siyala.

Yaya 12:31

Bi, kɛ dunuya makiiti wagate do bata ke. Bi, Sentanɛ dunuya mansa koroŋɛ si lafili bara tɔ.

Luki 2:14

«Tantue be Ala ye saŋɛ tɔ. Jususa be mɔgɛnu ye duge tɔ, minnu la ko be diyaren Ala ye.»

Kiilanu 27:22

Hali wolo mu, n be wo lasiila kɔtɛ, wo ni limaniya, bayi hali mɔgɔ dɔndɔ nɛɛ te bɔɔ wo tɛma, fɔ kuluŋɛ le tun be kasarala.

Luki 19:38

anu tota a fɔla: «Barikɛ be kɛ mansa ye, min be naren Marige Ala tɔgɛ la! Hɛra be saŋɛ tɔ! Nɔɔra be Ala ye kantɔ!»

Kiilanu 23:11

Wo sue tɔ, Marige bɔɔta Pɔlu ma, a ka a fɔ a ye: «Wakkilɛ! I ka n na ko seedeɲɔgɔya bɔɔ Darisalamu ki min na, a fɛrɛ bele fɔ i ni ma tugun n seede la Rɔmu saa tɔ ɲɔgɔnna.»

Yaya 16:11

Kiite bata ban Sentanɛ dunuya mansa koroŋɛ bitala, wo butɔ, Sabu Ɲinma si kiite la ko yita anu la.