Yaya 16:2 - Ala la kitabuenu Mɔgɔfin kuma tɔ

² Anu si wo latɔn de wo kana don wo la kawandi ma boŋɛnu butɔ bitugun. Wagate ɲan si naa ke le, min yo ka wo faga, wo tigi si a mira le ka a fɔla a bata wali ɲinma ma Ala ye.

Yaya 16:2 Referans Kwoze

Yaya 9:22

A sɔtɔlanu ka wo fɔ le, anu to be kilanden Yahude kuntigenu la, bayi wonu dun bata bɛn a ma, ka a fɔla, min yo ka a fɔ Isa mu Ala la mɔgɔ masubɛreŋɛ le la, anu ni wo tigi latɔn a kana don kawandi ma boŋɛ butɔ.

Yaya 12:42

Kɔnɔ wo bɛ butɔ, hali kuntigenu ɲaama, a siyama dɛnkɛnɛyata Isa ma. Farisinu la ko ka a ma, anu bele suusɛla a fɔla, alako anu kana naala anu latɔnna don koe la kawandi ma boŋɛnu butɔ.

Luki 6:22

Mɔgɛnu tini wo kɔn wagate min tɔ, anu ni wo bee, anu ni wo fɛɛya, ka wo tɔgɛ tiɲa nde Adamadeŋɛ la ko la, hɛra be wo ye.

Kiilanu 7:56

a ko: «Wo tolomasɔ, n be a yenden saŋɛ bata laka, Adamadeŋɛ be sɔren Ala bolo ɲinma tɔ.»

Yaya 9:34

Anu ka a jaabi: «Ile sɔtɔta junube le yati tɔ. Ile nɔn be diren mala mɔ karamɔgɔ le la ba?» Anu ka tɔŋɛ sigi a la, a kana don bitugun kawandi ma boŋɛ butɔ.

Kiilanu 5:33

Yahude kuntigenu to ka wo mɔɛ, anu juse yɛlɛta koola. Kiilanu faga sɔgɛ ka anu bita.

Yaya 4:21

Isa ka a fɔ a ye: «N nɛɛnɛ, i ni laa n na kuma la: wagati do si naa ke le, mɔgɛnu te Baaba Ala batu kɛ kɔnkɛ tɔ, hali Darisalamu.

Filipi 3:6

N ɲan naata kata bɛ ma n ni Isa la dɛnkɛnɛyabaganu ɲagankata. Teleŋɛ min na ko be fɔren sariya tɔ, n ma balan wo la, malakɔrɔsi koron yo bele n ma nun.

Yaya 4:23

Kɔnɔ, wagati do si naa ke, a ɲan bata ke: batulanu yati te Baaba Ala batu tɔɲa la kan do kan fɔ anu sondomɛ butɔ. Bayi Baaba Ala be wo ɲɔgɔn batulanu le ɲinila.

Yaya 16:25

Isa mɛn ko: «N bata kɛ koenu fɔ wo ye sandanu le tɔ. Kɔnɔ wagate do si naa ke, n te kuma wo ye sanda tɔ bitugun, fɔ n ni naa n Baaba la ko fɔ wo ye a beeyareŋɛ le la.

Yaya 16:32

Wagate si na, a ɲan bata ke, wo bɛ si naa malansan de, wo bɛ ni a kun kata, wo ni n dɔrɔn to. Kɔnɔ hali wolo, n dɔrɔn ma, bayi n Baaba be n fɛ.