Yaya 15:4 - Ala la kitabuenu Mɔgɔfin kuma tɔ

⁴ Boliŋɛ te nɔ wolola a yɛtɛ la, ka a bele bularen lɔgɔ kute ma. Wole tugun, wo ni patu n ma, iko nde tugun be paturen wo ma ki min na. Wo te nɔ wolola, ka wo bele paturen nde ma.

Yaya 15:4 Referans Kwoze

Yaya 8:31

Awa, Yahude minnu bata dɛnkɛnɛya Isa ma, a be a fɔla wonu ye: «Ka wo tota n na kuma bitala, wo si ma le n na talibenu yati la.

Yaya 6:56

Min tini n bali bangue dɔmɔ, a ka n base min, wo tigi la ko bata to nde ye, nde la ko tugun bata to ale ye.

Filipi 1:11

Wo lun, wo si a taran, Isa Ala mɔgɔ masubɛreŋɛ ka wo juse lafa ko matelendeŋɛnu la, alako Ala ni biliya sɔtɔ, a ni matɔgɔ.

Yaya 14:20

Wo si a lɔn wo lun, ka a fɔla nde la ko be n Baaba ye, wole tugun na ko be nde ye, nde tugun na ko be wo ye.

Luki 8:15

Suge lansanta duge kan ɲinma min tɔ, wo mu mɔgɛnu le la, minnu ka Ala la kuma mɔɛ anu ka a bita sɔɔbɛ la, sondon ɲinma anun a telendeŋɛ la. Wagati bɛ anu be timiladiyaren Ala la ko ma, wolo mu anu be mala iko sɛnɛtɔfeŋɛ to be wolola a ɲinma la.»

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

Yaya 17:23

Wo butɔ, nde la ko be anu ye, ile tugun na ko be nde ye. N be i mataranna le, anu ni kamali anu ni ma hakkili dɔndɔ la. Wo butɔ, dunuya mɔgɛnu si a lɔn ile le ka n kii, i mɛn ka anu kanu, iko i ka nde kanu ki min na.

Kiilanu 11:23

A la kereŋɛ ɲɔ, a ka Ala la hanigi ɲinma wale yen, a sɛɛwata. A be anu bɛ waajɛla, anu ni a natá anu ni to Marige kɔma anu juse bɛ la.

1 Tesaloniki 3:5

Wolo mu, n ɲan juse to bele saren betunna nun, n ka Timote kii ɲɔ alako a ni a lɔn, wo la dɛnkɛnɛya be ki min na. Bayi n be a kiila wagate min tɔ, fen min kilaŋɛ tota n ɲɛ, n ko ka Sentanɛ mɔgɔ latantanná ma wo latantan nun... Wo tɛmuɛ mɔ la wale bata ma wali fufafue la!