Yaya 12:50 - Ala la kitabuenu Mɔgɔfin kuma tɔ

⁵⁰ N ka a lɔn a la yamɔre mu abada kise dii koe le la. Wolo mu, n be kuma minnu fɔla, n be anu fɔla le iko n Baaba ka anu fɔ n ɲɛ ki min na.»

Yaya 12:50 Referans Kwoze

Yaya 17:3

Abada kise le mu ka: anu ni i lɔn, i mu min na, ile Ala dɔrɔn, tɔɲa tige, anu mɛn ni nde Isa Ala la mɔgɔ masubɛreŋɛ lɔn, i ka min nasanba.

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Yaya 6:63

Ala Hakkili Saniyandeŋɛ le be mɔgɛ lakisila. Bali bangue kan te nɔ fenfen mala malakise la. Ala Hakkile Saniyandeŋɛ min be abada kise diila, wo be wo sɔtɔla nde la kumanu le sabu la n be minnu fɔren wo ye ka.

Yaya 20:31

Kɔnɔ kɛnu be sɛbɛren de, alako wo ni dɛnkɛnɛya ka a fɔla Isa mu Ala la mɔgɔ masubɛreŋɛ le la, a la den kayireŋɛ. Wo butɔ, ka wo dɛnkɛnɛyata a ma, wo si kise sɔtɔ le a tɔgɛ sabu la.

Yaya 5:19

Wo butɔ, Isa ka anu jaabi, a ko: «N ni tɔɲa beeyareŋɛ pɔsi fɔ wo ye: nde den kayireŋɛ te nɔ fenfen mala n yɛtɛ ma, fɔ ka n ka min yen n Baaba la. Bayi ale be min bɛ mala, nde a la den kayireŋɛ tugun be wo ɲɔgɔn de mala.

Yaya 8:28

Awa, Isa ka a fɔ anu ye, a ko: «Wo tini nde Adamadeŋɛ bakku wagate min tɔ, wo si a lɔn wo tɛmuɛ ka a fɔla, nde le mu min be sabatiren. Wo si a lɔn, n te fenfen ma n yɛtɛ ma, fɔ n ni kuma iko n Baaba ka n degen ki min na.