Yaya 10:28 - Ala la kitabuenu Mɔgɔfin kuma tɔ

²⁸ Nde tugun be abada kise diila anu ma, anu te bɔnɔ muku! Mɔgɔ yo te anu bosi n bolo.

Yaya 10:28 Referans Kwoze

Yaya 6:37

N Baaba be mɔgɛnu minnu bɛ donden n bolo, wo bɛ si na ke n ma. Min tini na n ma, n te wo tigi aɲɛ feu!

Yaya 18:9

A ka wo fɔ le, alako a la kuma ni lakamali, a ka min fɔ nun, a ko aa a Baaba ka min bɛ don a bolo, hali dɔndɔ ma sama anu ɲaama.

Filipi 1:6

N be laaren a la, Ala min be wali ɲinma fɔlɔren wo tɛma, a be tola wolo tɔ han a ni a lakamali, a la mɔgɔ masubɛreŋɛ Isa be tanala lun min na.

Yaya 4:14

Kɔnɔ ka nde ka je dii mɔgɛ min ma, ka a ka a min, ji sɔgɔ te a bita bitugun. N be je min diila a ma, wo je si ma le a juse tɔ tenge la, a ni siya han a ni tanbi a tɔ, a ni abada kise dii a ma.»

Yaya 17:2

I ka sagoe dii n ma dunuya mɔgɛ bɛ kunma, alako n ni abada kise dii mɔgɛnu ma, i be minnu donden n bolo.

Yaya 5:24

N ni tɔɲa beeyareŋɛ fɔ wo ye, min ka n na kuma mɔɛ, a ka a bita, a dɛnkɛnɛyata n Kiila ma, abada kise be wo tigi ye. A te bɛn kiite ma. A ɲan bata bɔɔ bɔnɛ tɔ, ka don kise tɔ.

1 Piyɛri 1:5

Ala si wo makanta le a sɛnbɛ la wo la dɛnkɛnɛya sabue la, han wo ni naa kise sɔtɔ, a bata wuli abada kise min nabɔɔla wo ma wagati tɔɛ la.

Yaya 11:25

Isa ka a fɔ a ye, a ko: «Nde le mu fure lawulilá la, anun malakisilá. Min dɛnkɛnɛyata n ma, a si kise sɔtɔ le, hali a fagareŋɛ.

2 Tesaloniki 2:13

Awa mɔ nɛɛnɛdɔndɛnu, Marige be minnu kanuren, mɔ ɲan bɛnta Ala tantula wole la ko la tɛmuɛ bɛ tɔ, bayi Ala bata wo masubɛ kisi koe la bɔɔla fɔlɔ. A ka wo lakisi a Hakkili saniyandeŋɛ la wale le sabu la min be wo kɛrɛkɛrɛren wo ni ma a tɛŋɛ la. A ka wo lakisi wo la dɛnkɛnɛya le sabu la, wo to be laaren tɔɲa la.

Yaya 3:36

Ka mɔgɔ min be dɛnkɛnɛyaren Ala la den kayireŋɛ ma, a si abada kise sɔtɔ le. Ka mɔgɔ min ma Ala la den kayireŋɛ kulɛ bita, wo tigi te nɔ kisila. Ala la dumɛ ɲan si to le a kunma.»

Kiilanu 7:59

Anu be a mabunna wagate min tɔ, Etiyɛn be mamataraŋɛ mala, a ko: «Marige Isa, n nɛ jigan.»

Yaya 14:19

Yannun wagatinden, dunuya mɔgɛnu te n yen bitugun. Kɔnɔ wole kan si naa n yen de, bayi nde mu kise tige le la, wole tugun si naa kisi le.

Yaya 6:47

N ni tɔɲa beeyareŋɛ pɔsi fɔ wo ye: min tini dɛnkɛnɛya n ma, abada kise be wo tigi ye.

Yaya 6:27

Wo kana kata de dɔmɛ sɔtɔ koe la min be bɔrɔla. Wo kata dɔmɛ la ko la, min si mɛ a ni abada kise dii wo ma. Nde Adamadeŋɛ si wo dɔmɛ dii wo ma, bayi n Baaba Ala la manditɛ be nde le ma.»

1 Samiyɛli 2:9

A si a hakkile to le a la lannanteya mɔgɛnu ma. Kɔnɔ mɔgɔ koroŋɛnu kan be samala le dibe tɔ, bayi mɔgɛ te nɔɛ sɔtɔ a yɛtɛ sɛnbɛ la.

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Luki 23:46

Isa ka a kulɛ bɛlɛŋɛ labɔɔ, a ko: «Baaba, n be n nɛ lasaagila i ma.» A to banta wo fɔla, a nɛ bɔɔta.

Yaya 10:29

N Baaba ka mɔgɛ minnu dii n ma, wonu sɔdula kolo anu bɛ ko. Mɔgɔ yo te nɔ anu bosila n Baaba bolo.