Yaya 1:21 - Ala la kitabuenu Mɔgɔfin kuma tɔ

²¹ Anu ka a maɲininka: «I ko wo tɔ kama? Annabi Eli le mu ile la ba?» A ka anu jaabi: «Wo ma nde la de!» Anu mɛn ko: «Nabiyonmɛ min bɛnta nala, wolo mu ile la ba?» A ka anu jaabi, a ko: «Ade!»

Yaya 1:21 Referans Kwoze

Yaya 1:25

Wolo mu, anu ka a maɲininka, anu ko: «I be mɔgɛnu lasuwɛla je tɔ fenna, ka a taranta Ala la mɔgɔ masubɛreŋɛ ma ile la, ka wo ma annabi Eli, ka wo ma nabiyonmɛ min bɛnta nala?»

Yaya 7:40

Jama la wo kuma mɔɛreŋɛ, donu tota a fɔla anu tɔ: «Ale nabiyonmɛ yati le mu ka!»

Luki 1:17

A si tagaman Marige Alatala ɲa tɔ, a ni wali hakkili saniyandeŋɛ barikɛ tɔ, iko annabi Eliya walita ki min na. Wo butɔ, a ni baabanu juse firifiri anu la deŋɛnu ma, a ni mɔgɔ murutɛreŋɛnu yɛlɛman ka anu si mɔgɔ telendeŋɛnu hakkile sɔtɔ, a ni mɔgɛnu tabɛn alako anu ni Marige Alatala mabita.»

Yaya 1:22

Wo butɔ, anu ka a fɔ a ye: «Awa, ɲɔmɔ le yati mu ile la, alako mɔ ni jaabire lake mɔ kiilanu ma. I ni i yɛtɛ la ko fɔ mɔ ye.»

Yaya 6:14

Wo mɔgɛnu ka Isa la kabanakoe mareŋɛ yen wagate min tɔ, anu tota a fɔla: «Nabiyonmɛ min bɛnta nala dunuya, wolo yati mu kɛ la.»