Yaguba 3:14 - Ala la kitabuenu Mɔgɔfin kuma tɔ

¹⁴ Kɔnɔ ka bɛsɛnkɔnnɛya koroŋɛ nun ɲɔgɔn siinaya be wo juse tɔ, wo kana wo yɛtɛ lakoloya wo koenu tɔ. Wo ɲan kana tɔɲa masara foniya la!

Yaguba 3:14 Referans Kwoze

Yaguba 3:16

Awa, bɛsɛnkɔnnɛya nun ɲɔgɔn siinaya be ka min na, ɲatadoŋɛ nun ko koroŋɛ mɔɔle bɛ be yenna ɲɔ le.

Filipi 2:3

Wo kana ɲɔgɔn siinaya fenfen na. Wo kana wasu fenfen na. Fɔ wo ni wo yɛtɛ majigi ɲɔgɔn ye, ka fisamanteya dii ɲɔgɔn ma.

Filipi 1:15

Tɔɲa le mu, donu be Ala la mɔgɔ masubɛreŋɛ la ko kawande mala miila nun bɛsɛnkɔnnɛya le la. Kɔnɔ donu tugun be kawande mala jusu beeya le la.

Yaguba 5:19

N nɛɛnɛdɔndɛnu, ka mɔgɔ do be wo ɲaama min bata tɔɲa kila boloka, kɔnɔ mɔgɔ gbɛtɛ ni naa a lasaagi ka a sɔ tɔɲa kila ma mɛn tugun,

Kiilanu 5:17

Wo butɔ, sarika lakela kuntige nun minnu be a kɔma, minnu be tabɛnden Sadusinu ma, bɛsɛnkɔnnɛya tota anu tɔ koola, anu wulita,

Kiilanu 26:9

Fɔlɔ nun, nde yɛtɛ ko, fɔ n ni kata kila bɛ la, n ni kɛlɛ tɛgɛ Isa Nasarɛti kaa ma.

Kiilanu 13:45

Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma.

Yaya 16:2

Anu si wo latɔn de wo kana don wo la kawandi ma boŋɛnu butɔ bitugun. Wagate ɲan si naa ke le, min yo ka wo faga, wo tigi si a mira le ka a fɔla a bata wali ɲinma ma Ala ye.

Ko fɔlɔfɔlɛ 37:11

A kɔtɔnu ka a bɛsɛnkɔnnɛya, kɔnɔ a baaba kan be a hakkile toren a la kiboenu ma.

Kiilanu 7:9

Wo kɔma, wo mɔ benbanu ka anu dɔgɛ Yusufu mayita bɛsɛnkɔnnɛya sabu la, a ni ma joŋɛ la Misira duge tɔ. Kɔnɔ Ala tota a fɛ.

Yaguba 1:18

A yɛtɛ sagoe, a bata wo mɔ ma a la deŋɛnu la a la tɔɲa kuma sabu la, a ka wo mɔle fɔlɔfɔlɔ le kɛrɛkɛrɛ wo mɔ ni ma a tɛŋɛ la a la dalifeŋɛnu bɛ tɛma.

Ko fɔlɔfɔlɛ 38:9

Kɔnɔ Onan ka a lɔn wo deŋɛ te naa ma a tɛŋɛ la. Wolo ka a ma a nun a nimɔgɛ tini kafu, a ni a la manije sa duge tɔ, alako a kana naala deŋɛ sɔtɔla a kɔtɔ ye.