Luki 9:1 - Ala la kitabuenu Mɔgɔfin kuma tɔ

¹ Wo kɔma, Isa ka a la talibi mɔgɔ tan nun fila madɛn. A ka sɛnbɛ nun yamɔre don anu bolo, alako anu ni jinna koroŋɛnu bɔɔ mɔgɛnu kɔma, anu ni bandibaganu lakendeya.

Luki 9:1 Referans Kwoze

Yaya 14:12

N ni tɔɲa beeyareŋɛ fɔ wo ye: min tini dɛnkɛnɛya n ma, n be wale minnu mala, ale tugun si wonu ɲɔgɔn ma. A ɲan si donu tugun ma minnu kolo n tɛŋɛnu ko, bayi nde be tagala le n Baaba dula.

Luki 10:19

Wo a fɛlɛ, n bata sɛnbɛ dii wo ma, wo ni wo kɛŋɛ sɔ kaanu nun buntalenu tɔ, wo si sɛnbɛ sɔtɔ wo jague Sentanɛ nun a sɛnbɛ bɛ kunma. Fenfen koron te wo yen.

Kiilanu 4:30

Wo butɔ, i ni i sɛnbɛ yita mɔgɛ lakendeya koe la, i ni misalenu nun kabanakoenu ma i la jonden saniyandeŋɛ Isa tɔgɛ la.»

Kiilanu 1:8

Kɔnɔ wo si sɛnbɛ sɔtɔ Ala Hakkili saniyandeŋɛ kan ma min si naa jigi wo ma, wo butɔ wo si naa ma n na seedenu la Darisalamu saa butɔ, anun Juda duge bɛ tɔ, anun Samari duge bɛ han ka sigi dunuya daŋɛ la.»

Kiilanu 9:34

Piyɛri ka a fɔ a ye: «Ene, Ala la mɔgɔ masubɛreŋɛ Isa bata i lakendeya. Wuli, i ni i la benbe tabɛn i fanna!» A wulita ɲɔ kisanna.

Kiilanu 3:16

Wo be kaye min yenden kɛ la, wo ka min lɔn, a bata sɛnbɛ sɔtɔ tagamaŋɛ la a la dɛnkɛnɛya sabu la Isa tɔgɛ la. Iyon, a la dɛnkɛnɛya min be fatanden Isa la, wolo ka a lakendeya ken wo bɛ ɲala.

Luki 10:1

Wo tanbi kɔma, Marige Isa ka mɔgɔ bi wɔrɔwila nun fila do tugun masubɛ, a ka anu kii a ɲatɔ fila fila saa bɛ tɔ, anun dula bɛ tɔ, a yɛtɛ be diren tagala ka min na.