Luki 6:23 - Ala la kitabuenu Mɔgɔfin kuma tɔ

²³ Wo ni sɛɛwa wo lun, wo ni tun nun sɔrɔŋɛ ma, bayi wo si baraji banba sɔtɔ le arijanna. Wo ni a lɔn, minnu ka wo ko koroŋɛnu ma wo la, wonu benbanu ka nabiyonmɛnu tɔɔrɔ ɲɔgɔnna le.

Luki 6:23 Referans Kwoze

Kiilanu 5:41

Kiilanu to bɔɔta Yahude kuntigenu la mamadɛŋɛ tɔ, anu juse diyata anu ye, bayi Ala ka ande le masubɛ, anu ni tɔɔrɔ Isa tɔgɛ la ko la.

1 Piyɛri 4:13

Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.

Yaguba 1:2

N nɛɛnɛdɔndɛnu, ka tɔɔrɛ mɔɔle min yo ka wo masɔtɔ a ni ma wo ye ɲagaliŋɛ la,

Kiilanu 3:8

A wulita teriya la, a sɔta, a ka tagamaŋɛ fɔlɔ. A nun kiilanu donta ɲɔgɔn na Ala batu bon banba butɔ, a be tagamanna, a be tunna a be sɔrɔnna, a tota Ala tantula.

Kiilanu 14:10

wo butɔ, a ka a fɔ a kulɛ mayɛlɛreŋɛ la: «Wuli, i ni sɔ i kɛŋɛnu kunma!» A wulita kisanna, a tagamanta.

Luki 6:35

A bɛnta le wo ni wo jaguenu le kanu, wo ni ko ɲinma ma, wo ni mɔgɛ dɔntɔ, wo yili kana to ɲɔgɔ dee ma. Wo butɔ, wo baraje si koloya. Wo si a yita wo mu Ala la deŋɛnu le la, Ala min mayɛlɛta, bayi ale si nɛɛma fisiriwalenu nun mɔgɔ koroŋɛnu ma.

Luki 1:44

I ma a yen, bɔɔla n ka i kɔntɔri kulɛ mɔɛ, deŋɛ sɛɛwata, a ka a lamaga n bue tɔ.

Luki 1:41

Bɔɔla Elisabɛti ka Mariyama kɔntɔri kulɛ mɔɛ, a la deŋɛ ka a lamaga a bue tɔ. Wo tɛmuɛ, Hakkili saniyandeŋɛ jigita Elisabɛti ma.