Luki 6:20 - Ala la kitabuenu Mɔgɔfin kuma tɔ

²⁰ Wo kɔma, Isa ka a ɲa sɔ a la talibenu la, a ka kuma da bita, a ko: «Wole fondobɔnɛnu, hɛra be wo ye, bayi Ala la mansabaya nɛɛma bata ma wole tɛŋɛ la.

Luki 6:20 Referans Kwoze

Yaguba 2:5

N nɛɛnɛdɔndɛ kanunteŋɛnu, wo wo tolomasɔ n na. Ala bata mɔgɛnu masubɛ minnu be maren fondobɔnɛnu la dunuya kɛɲa ma, alako anu ni ma banna mɔgɛnu la dɛnkɛnɛya kɛɲa ma. Ala bata anu masubɛ alako anu ni barikɛ sɔtɔ a la mansabaya butɔ. Wolo be lahiriren mɔgɛnu ye minnu be Ala kanuren.

Luki 12:32

Isa mɛn ko: «N na kɛ saaka kurun lanma, wo kana kilan. Wo ni a lɔn a diyata wo Baaba Ala ye a ni mansaya dii wole ma.

Yaguba 1:12

Hɛra be mɔgɛ ye min be a timiladiyala tɔɔrɛ butɔ, bayi ka a bata ban wo tɔɔrɛ lamuɲula, Marige si a kunnawuli le a ni kise dii a ma. A be wolo lahiriren a kanunteŋɛnu ye.

2 Tesaloniki 1:5

Wo bɛ le be a yitaren Ala be nala kiiti telendeŋɛ sala. Wo kiite butɔ, a si wo jigan mɔgɛnu la minnu bɛnta tola a la mansabaya niiniŋɛ kɔtɔ, wo be tɔɔrɔren Ala la mansabaya min na ko la.

1 Tesaloniki 1:6

Awa, wo bata ma mɔ nun Marige ladegenná la, bayi wo ka Ala la kuma bita le sɛɛwa la, sɛɛwa min be fatanden Ala Hakkili saniyandeŋɛ la, hali wo to bata ɲagankata siyama sɔtɔ wo butɔ.

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

Luki 14:15

Isa dɔmɔri maɲɔgɛ do ka kɛ kuma mɔɛ, a ka a fɔ a ye, a ko: «Min be dɔmɔre mala Ala la mansabaya tɔ, hɛra si to le wo tigi ye.»

Luki 13:28

Wo lun wo si Iburahima, Isiyaka nun Yaguba, anun nabiyonmɛnu bɛ yen Ala la mansabaya tɔ. Kɔnɔ a taranta wole bata fili, wo si di ɲɔ han wo ni wo ɲiŋɛ takin.

Luki 4:18

Marige Alatala Hakkili saniyandeŋɛ be n fɛ, bayi a ka n masubɛ kibaru ɲinma lake koe la tɔɔrɔbaganu ma. A bata n sɔ kiilaya la, n ni a fɔ bolo tɔ mɔgɛnu ye anu si kunka. N ni a fɔ ɲabɔnɛnu ye anu ɲa si laka. Nɔɛ be saren minnu ma n ni a fɔ wonu ye anu si hɔrɔya.

1 Samiyɛli 2:8

A ni fondobɔnɛ jigan buguta tɔ, a ni a la ko mayɛlɛ. A ni misikinɛ jigan ɲagama tɔ, a ni a sigi kuntigenu tɛma, a ni na mansaya kunnawule dii a ma kɛɛ la. Bayi Alatala le tɛŋɛ mu dunuya tunkenu bɛ la, a be duge lafontiren wonu kunma.

Luki 16:25

Iburahima ka a jaabi, a ko: ‹N na deŋɛ, i mira koola. I la dunuya takunte sɔnɔyata le i bolo a ɲinma la, wo ka a taran Lasari kan be tɔɔrɔren koola. Kɔnɔ bi, a juse be kimaren yan, ile kan be ɲagankata tɔ.