Luki 4:23 - Ala la kitabuenu Mɔgɔfin kuma tɔ

²³ Isa ka a fɔ anu ye, a ko: «Sikkɛ bele a tɔ, wo si kɛ sanda sa le n ɲɛ: ‹Booribɔla, i ni i yɛtɛ lakendeya betunna.› Wo mɛn si a fɔ n ɲɛ tugun, aa n ka koenu min bɛ ma Kapɛrinamu saa tɔ, wo bata wonu mɔɛ, fɔ n ni wonu ɲɔgɔn tugun ma n bata saa tɔ yan.»

Luki 4:23 Referans Kwoze

Yaya 4:28

Wo butɔ, muse ka a la ji sori lɔndɛ to ɲɔ, a saagita saa tɔ, a naata a fɔ ɲɔ mɔgɛnu ye, a ko:

Luki 6:42

I si nɔ a fɔla kama le i bareŋɛ ye: ‹N bareŋɛ, a to n ni wo ɲagama mɛsɛŋɛ bɔɔ i ɲa tɔ›, a taranta kebeŋɛ min be i yɛtɛ ɲa tɔ, i bele wo yenden ba? Ile nɛnfilatige, kebeŋɛ bɔɔ i yɛtɛ fɔlɔ ɲa tɔ, alako i ni ɲɔ tayen a ɲinma la. Wo kɔma, i si nɔ ɲagama mɛsɛŋɛ bɔɔla i bareŋɛ tugun ɲa tɔ.»

Luki 4:16

Wo butɔ, Isa tagata ke Nasarɛti saa tɔ, a koloyata ka min na. Sulen lɔ́gɛ́, a donta kawandi ma boŋɛ tɔ, iko a darita a mala ki min na. A wulita kitabu karan koe la.

Luki 2:39

Yusufu nun Mariyama ka Marige Alatala la sariya bɛ ban mala wagate min tɔ, anu saagita anu bata saa tɔ, Nasarɛti, Galile duge tɔ.

Luki 2:51

Wo kɔma, a nun a tigenu jigita Nasarɛti. A be anu kulɛ bitaren. A nɛɛnɛ be wo koe bɛ mandiren a juse tɔ.

Luki 4:31

Awa, Isa jigita Kapɛrinamu, saa min be Galile duge tɔ. A tota mɔgɛnu kawandila sulen lɔ́gɛ́ tɔ.

Luki 4:35

Isa ka jinna yamɔri sɛnbɛ la, a ko: «I mɔdɛ, i ni bɔɔ a kɔma.» Jinna ka kaye laboe jama bɛ tɛma, a bɔɔta a kɔma, a ma fenfen koron ma a la.