Luki 24:27 - Ala la kitabuenu Mɔgɔfin kuma tɔ

²⁷ Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Luki 24:27 Referans Kwoze

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Kiilanu 10:43

Nabiyonmɛ bɛ ka ale len na ko fɔ, anu ko: ka min dɛnkɛnɛyata a ma, wo tigi junube si kafari le a tɔgɛ la ko la.»

Yaya 5:39

Wo be Ala la sɛbɛrenu tefila ka a fɛlɛ a ɲinma la, bayi a be wo juse tɔ, ko abada kise be sɔtɔla wo sɛbɛre le tɔ. Awa, wo sɛbɛrenu tugun de mu n seede la.

Yaya 1:45

Filipu tagata mɔgɛ do taran min tɔgɔ Natanayeli, a ka a fɔ a ye: «Musa ka min na ko fɔ Taureta tɔ, a nun nabiyonmɛnu tugun ka min na ko fɔ, mɔ bata a yen: Isa Nasarɛti kaa le mu, Yusufu la deŋɛ.»

Ko fɔlɔfɔlɛ 22:18

I bata n na kuma bita, dunuya mɔgɛ bɛ be hɛra sɔtɔla ile le bɔnsɛnu fɛ.»

Luki 24:25

Isa ka anu jaabi, a ko: «Wole hakkili bɛlɛ! Nabiyonmɛnu ka minnu bɛ fɔ, han bi wo ma laa wonu la wo juse tɔ!

Ko fɔlɔfɔlɛ 3:15

N si jaguya to i nun muse tɛma, n si jaguya to i bɔnsɛ nun a bɔnsɛ tɛma. A bɔnsɛ si i kuŋɛ te, ile tugun si a tingiliŋɛ kin.»

Ko fɔlɔfɔlɛ 49:10

Mansa tungare be naala tola Juda bɔnsɛ le bolo. Mɔgɔ yo te mansaya nɔɛ bɔɔ a bɔnsɛ bolo. Fɔ a tige tini na tɛmuɛ min tɔ, see bɛ mɛn ni naa sujudu a ye.

Ko fɔlɔfɔlɛ 26:4

N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Kiilanu 7:37

Ale Musa yati le ka a fɔ bani Isirayila kaanu ye, a ko: ‹Ala si nabiyonmɛ do kii le wo ma, min si to iko nde, a be bɔɔla wo bɔnsɛ le tɔ.›

Kiilanu 3:24

Ka bɔɔ annabi Samiyɛli ma, ka sigi a kɔma nabiyonmɛnu la, anu bɛ kumata, ande tugun ka kɛ wagate tele la ko fɔ.

Kiilanu 3:22

Annabi Musa yati ka a fɔ le: ‹Wo Marige Ala si nabiyonmɛ do kii le wo ma, min si to iko nde, wo be bɔɔla wo bɔnsɛ le tɛma. A be min bɛ fɔla wo ye, wo ni a bita.

Ko fɔlɔfɔlɛ 12:3

Mɔgɔ yo mɔgɔ be dubala i ye, n si barikɛ sa le wo tigi la ko tɔ; mɔgɔ yo mɔgɔ ka i danka n si danka lasaagi le wo tigi ma. Dunuya see bɛ si hɛra sɔtɔ i fɛ.»

Yaya 5:37

Iyon, n Baaba min ka n kii, wolo yati be maren n seede la. Wo bele a kumari kulɛ yo mɔɛren, wo mɛn bele a ɲakɔtɔ tugun yenden wo ɲa la.

Yaya 12:41

Esayi ka wo fɔ le, a to ka Isa le la nɔɔra yen. Wo butɔ, a ka ale le la ko fɔ.

Kiilanu 3:18

Kɔnɔ, Ala ka kuma min yita wagati tanbireŋɛ tɔ, a la nabiyonmɛnu bɛ sabu la, a fɔ koe la, aa a la mɔgɔ masubɛreŋɛ si naa ɲagankata le, a ka wo kuma lakamali le.

Kiilanu 8:35

Awa, Filipu ka kuma da bita, a ka a fɔlɔ kɛ sɛbɛre dula ma, a ka Isa la ko kibaru ɲinma lake a ma.